Ramayana Movie News: नितेश तिवारींच्या 'रामायण' सिनेमाची सर्वांना उत्सुकता आहे. या सिनेमात विविध स्टार कलाकार एकत्र येत आहेत. अभिनेता रणबीर कपूर प्रभू श्रीरामाची भूमिका तर सीतेच्या भूमिकेत साई पल्लवी झळकणार आहे.
याशिवाय हनुमानाच्या भूमिकेत सनी देओलच्या नावाची चर्चा आहे. अशातच 'रामायण' सिनेमात साऊथ स्टार विजय सेतुपतीची एन्ट्री झालीय. विजय सिनेमात कोणती भूमिका साकारणार?
सध्या साऊथ स्टार विजय सेतुपती चांगलाच चर्चेत आहे. विजयचा 'मेरी ख्रिसमस' सिनेमा प्रेक्षक-समीक्षकांना चांगलाच आवडलेला दिसतोय. अशातच विजयची नितेश तिवारींच्या 'रामायण' सिनेमात त्याची एन्ट्री झालीय.
नितेश तिवारींच्या 'रामायण' सिनेमात विजय बिभिषणाची भूमिका साकारणार आहे. बिभिषण हा रावणाचा भाऊ होता. त्यामुळे विजयला 'रामायण' सिनेमात बघायला लोकं उत्सुक आहेत.
इंडिया टीव्हीने दिलेल्या रिपोर्टनुसार सांगण्यात आलंय की, ''नितेश तिवारींनी अलीकडेच विजय सेतुपती यांची भेट घेतली. याशिवाय स्क्रिप्टसाठी रामायणाची संपूर्ण माहिती घेतली. सिनेमाची कथा आणि व्हिज्युअल्समुळे विजयने रामायण चित्रपटात रस दाखवला होता,''
त्यामुळे 'रामायण' सिनेमाची संपूर्ण टिम आणि दिग्दर्शक नितेश तिवारी विजयला ऑनबोर्ड घेण्यास उत्सुक आहेत.
'रामायण' चित्रपटाबाबत एक नवीन अपडेट समोर आले आहे. मीडिया रिपोर्टनुसार रणबीर कपूरच्या चित्रपटात सनी देओल भगवान हनुमानाच्या भूमिकेत दिसणार आहे. याशिवाय बॉबी देओल कुंभकर्णाची भूमिका साकारणार आहे.
तर दुसरीकडे नितेश तिवारीच्या 'रामायण' चित्रपटात केजीएफ स्टार यश रावणाची भूमिका साकारणार असल्याचा दावा देखील करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
