Virat Kohli: 'विराट तुला सात खून माफ'! जावेद अख्तरांची दिलखुलास प्रतिक्रिया

Virat Kohli Viral Tweet news: जिकडे तिकडे विराट कोहलीच्या नावाचा जयघोष सुरु आहे. त्यानं केलेली अफलातून बॅटींग ही साऱ्या देशवासीयांच्या मनात घर करुन राहणार आहे. पुढील कित्येक वर्षे त्याची ही खेळी भारतीय क्रिकेट चाहत्यांना मनस्वी आनंद देईल यात काही शंका नाही. विराटच्या मोठ्य़ा कामगिरीनं भारतीय संघाला मोठं यश मिळालं आहे. त्याच्यावर बॉलीवूड सेलिब्रेटींनी कोहलीवर कौतूकाचा वर्षाव केला आहे. यात प्रसिद्ध गीतकार जावेद अख्तर यांनी विराटला दिलेली प्रतिक्रिया लक्ष वेधून घेताना दिसत आहे.

पाकिस्तानच्या विरोधात विराटनं कमाल केली. त्याच्या 82 धावांची खेळी भारताला विजय मिळवून गेली. त्यामुळे विराटच हा स्टार झाला. साऱ्या देशभरातून त्याच्यावर कौतूकाचा वर्षाव होतो आहे. सोशल मीडियावर कालपासून विराट हा ट्रेंडिंगचा विषय आहे. विराटनं साऱ्या भारतीयांची दिवाळी गोड केली आहे. देशभरामध्ये भारताचा तो विजय वेगवेगळ्या पद्धतीनं साजरा करण्यात आला. पारंपारिक स्पर्धी म्हणून ओळखल्या जाणाऱ्या पाकिस्तानच्या विरोधात भारतानं आपल्या गेला पराभवाचा वचपा काढला आहे.

या सगळ्यात विराटवर केवळ भारतीयच नाहीतर पाकिस्तानी किक्रेटपटूंनी देखील त्याचं तोंडभरुन कौतूक केलं आहे. काहींनी त्याला थेट एलियन असं म्हटलं आहे. बॉलीवूडचे दिग्गज गीतकार जावेद अख्तर यांना देखील विराटच्या कौतूकाचा मोह आवरलेला नाही. त्यांनी दिलखुलासपणे विराटची स्तुती केली आहे. अख्तर यांनी सोशल मीडियावर लिहिलं आहे की, विराट तुला सात खून माफ...तुला खूप खूप धन्यवाद...आयुषमान भव...

बॉलीवूडच्या कित्येक सेलिब्रेटींनी विराटवर कौतूकाचा वर्षाव केला आहे. यामध्ये अभिषेक बच्चन, कार्तिक आर्यन, सुष्मिता सेन, वरुण धवन यांच्याशिवाय एसएस राजामौली यांनी देखील किंग कोहली तुला सलाम...अशा शब्दांत त्याला शाबासकीची थाप दिली आहे.