१३ डिसेंबर १९८६ रोजी जेव्हा प्रसिद्ध अभिनेत्री स्मिता पाटील Smita Patil यांच्या निधनाचं वृत्त आलं, तेव्हा संपूर्ण कलाविश्वावर शोककळा पसरली होती. ३१ व्या वर्षी स्मिता पाटील यांनी अखेरचा श्वास घेतला होता. त्यांच्या निधनाच्या काही महिन्यांपूर्वी अभिनेते अनु कपूर Annu Kapoor यांनी त्यांना संकेत दिले होते की ते वर्ष स्मिता यांच्यासाठी फार कठीण जाणार आहे. यासाठी सांभाळून राहण्याचा सल्ला अनु कपूर यांनी स्मिता यांना दिला होता. या प्रसंगाचा उल्लेख अनु कपूर यांनी त्यांच्या 'सुहाना सुफर विथ अनु कपूर' या रेडिओ शोमध्ये केला होता.
ते म्हणाले, "२२ जानेवारी १९८६ रोजी मी आणि स्मिता पाटील एका प्रोजेक्टसाठी काम करत होतो. सत्यजित रे यांची एक मालिका होती. त्यात मी स्मिता पाटील यांच्या पतीच्या भूमिकेत होतो. तीन दिवस या मालिकेचं शूटिंग सुरू होतं. २६ जानेवारी १९८६ रोजी आम्ही कोलकाताहून मुंबईला परतीचा प्रवास करत होतो. त्यावेळी मला हस्तरेषा पाहून भाकित वर्तवण्याची खूप हौस होती. स्मिता यांनी मला त्यांच्या हस्तरेषा पाहण्याची विनंती केली होती. तेव्हा त्यांच्या हातावरील जीवनरेषेला कोणतीच भाग्यरेषा मिळत नसल्याचं दिसलं."
हस्तरेषा पाहताना अनु कपूर स्मिता यांना म्हणाले होते, "हे वर्ष तुझ्यासाठी खूप आव्हानात्मक आहे. जरा जपून रहा." त्यानंतर काही महिन्यांतच १३ डिसेंबर रोजी स्मिता पाटील यांचं निधन झालं. चित्रपटसृष्टीतील संवेदनशील अभिनयाचा आविष्कार म्हणून स्मिता पाटील ओळखल्या जायच्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
