Sukesh Chandrasekhar - Jacqueline Fernandez Web: महाठग सुकेश चंद्रशेखरने बॉलिवूड अभिनेत्री जॅकलीन फर्नांडिस विरुद्ध कधीही न दाखवलेले पुरावे उघड करण्याची धमकी दिली आहे.
सुकेशला माझ्याबद्दलची माहिती देणे बंद करण्याचे निर्देश द्यावेत, अशी विनंती करणारी याचिका जॅकलिनने दिल्ली उच्च न्यायालयात दाखल केली होती. याशिवाय २०० कोटी रुपयांच्या मनी लॉंड्रिंग प्रकरणात तिच्याविरुद्ध नोंदवण्यात आलेला FIR रद्द करण्याची विनंतीही तिने केली होती.
आता इंडिया टुडेच्या रिपोर्टनुसार, सुकेशने जॅकलिनचे नाव न घेता एक पत्र लिहिले आहे. यामध्ये त्याने एका व्यक्तीचा पर्दाफाश करणार असल्याचे म्हटले आहे. यासाठी तो त्या व्यक्तीच्या चॅट्स, स्क्रीनशॉट्स आणि रेकॉर्डिंग्स रिलीज करेल,असं म्हटलं जातंय
रिपोर्टनुसार सुकेशने दावा केला आहे की, "या व्यक्तीच्या सोशल मीडिया अकाऊंटची पोहोच वाढवण्यासाठी त्याने पैसे दिले होते."
२०० कोटींच्या मनी लाँड्रिंग प्रकरणातील आरोपी सुकेशने पत्रात लिहिले आहे की, "जगाला सत्य कळले पाहिजे. खरे सत्य." दरम्यान, सुकेशच्या पत्रांबाबत जॅकलिनने बुधवारी दिल्लीच्या पटियाला हाऊस कोर्टात धाव घेतली. तिने मंडोली कारागृहाचे अधीक्षक आणि दिल्ली पोलिसांच्या आर्थिक गुन्हे शाखेला (EOW) सांगितलं की, "चंद्रशेखरला तिच्याबद्दल आणखी कोणतेही पत्र, विधाने किंवा मॅसेज देऊ नये," अशा सूचना तिने दिल्या.
जॅकलीनने दिलेल्या याचिकेत सांगितलं आहे की, "चंद्रशेखरने 15 ऑक्टोबर रोजी लिहिलेल्या पत्रात त्रासदायक गोष्टी लिहिण्यात आल्या. प्रसारमाध्यमांनीही ते मोठ्या प्रमाणावर प्रसिद्ध केले आहे. जॅकलिनशी संपर्क प्रस्थापित करण्याच्या उद्देशाने चंद्रशेखर साक्षीदारांशी छेडछाड करण्याचा प्रयत्न करत आहे. केलेले गुन्हे लपवण्यासाठी जॅकलीनला मानसिकरित्या त्रास देणे, हा त्याचा स्पष्ट उद्देश आहे", असं जॅकलीन म्हणाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
