सुभानअल्लाह..! Shashank Ketkar वर का आली बुरखा घालण्याची वेळ ?

Shashank Ketkar News: अभिनेता शशांक केतकर सोशल मीडियावर कायम फॅन्सच्या संपर्कात असतो. शशांक केतकर होणार सून मी ह्या घरची मालिकेतुन लोकप्रिय झाला. शशांकचं सोशल मीडियावर प्रचंड फॅन फॉलोईंग आहे.

शशांक सध्या एका वेगळ्याच कारणामुळे चर्चेत आलाय. शशांकचा बुरखा परिधान करतानाचा फोटो सोशल मीडियावर व्हायरल झालाय.

(why marathi actor shashank ketkar wear burkha)

शशांकने नुकतंच काळ्या रंगाचा बुरखा परिधान केलेले तीन फोटो त्याच्या इंस्टाग्रामवर पोस्ट केले आहेत.

शशांकने डोळ्यात काजळ लावलं असून बुरख्याआड त्याचे डोळे दिसत आहेत.शशांकने या फोटोला काळी राणी असं कॅप्शन दिलंय. शशांक या फोटोत वेगळाच दिसत असून त्याच्या या फोटोवर त्याच्या फॅन्सनी लाईक्स आणि कमेंट्सचा वर्षाव केलाय.

"डोळे सुद्धा इतके सुंदर दिसत आहेत की हा तुमचाच फोटो आहे ना हे 2 वेळा पाहिलं", "बेगम साहेबांचे डोळे आवाज किती छान..

बेगम साहेबांच सुंदर शशांक तूं कोणत्याही भुमिकेत छान सुंदर दिसतोस", "खूप मस्त दिसतोस cute शशांकदा" अशा कमेंट करत शशांकच्या फॅन्सनी त्याच्या या फोटोचं कौतुक केलंय.

शशांकने बुरखा का घातला याचं उत्तर म्हणजे.. शशांक मुरांबा मालिकेत काम करतोय. मुरांबा मालिकेच्या आगामी भागाच्या शुटिंगसाठी शशांकने हा लूक केल्याचं बोललं जातंय. शशांकच्या या नवीन लूकवर त्याचे चाहते मात्र फिदा आहेत.

शशांक सध्या स्टार प्रवाह वरील मुरांबा मालिकेत अभिनय करत असून हि मालिका दुपारी १.३० वाजता स्टार प्रवाह वर पाहायला मिळेल.

शशांक काहीच दिवसांपूर्वी होळी सणाच्या निमित्ताने चर्चेत आला होता. मराठी भाषा दिनाच्या पूर्वसंध्येला शशांकने एक पोस्ट शेयर करून होळी, रंगपंचमी आणि धूलिवंदन यातला फरक सांगितला होता, सोबतच मराठी सणांचे आणि भाषेचे महत्व पटवून दिले होते.

पण या पोस्ट मधून अनेकांनी गैरसमज करून घेतल्याने शशांकने पुन्हा एक स्टोरी शेयर करून लोकांचे गैरसमज दूर केले. शशांक केतकर मराठी मालिका विश्वातला लाडका अभिनेता असून त्याच्या आजवरच्या अनेक मालिकांवर त्याच्या फॅन्सनी पसंती दर्शवली आहे.