Darshan Jariwala: "मी गरोदर असून आमचं लग्न झालंय...", महिलेचा ज्येष्ठ अभिनेत्यावर खळबळजनक आरोप

Darshan Jariwala News: टीव्ही आणि चित्रपटांमध्ये आपल्या भूमिकांनी लोकांच्या हृदयात खास स्थान निर्माण करणारे ६५ वर्षीय अभिनेते दर्शन जरीवाला अडचणीत आले आहेत. दर्शनवर एका महिलेने धक्कादायक आरोप केला आहे. "मी दर्शनच्या मुलाची आई होणार", अशी तक्रार महिलेने पोलिसांत दाखल केली आहे. महिलेच्या या दाव्यानंतर या प्रकरणावर दर्शन यांनीही समोर आले आहे.

आम्ही गांधर्व विवाह केला असून...

'गांधी, माय फादर'साठी राष्ट्रीय पुरस्कार पटकावणाऱ्या ६५ वर्षीय दर्शन जरीवाला यांच्यावर एका महिलेने खळबळजनक आरोप केले आहेत. या महिलेचा दावा आहे की, तिने अभिनेत्यासोबत गांधर्व विवाह केला आहे आणि आता ती त्याच्या मुलाची आई होणार आहे. याप्रकरणी महिलेने आता पोलीस ठाणे गाठून तक्रार दाखल केली आहे.

मला स्वाभिमानासाठी लढायचे आहे

TOI च्या रिपोर्टनुसार, या महिलेचे म्हणणे आहे की, तिचे आणि दर्शन जरीवालाचे अनेक वर्षांपासून प्रेमाचे नाते आहे. या दोघांचा 'गांधर्व विवाह' झाला होता आणि आता ती आई होणार आहे. पण दर्शन जरीवाला आता तिला आणि न जन्मलेल्या मुलाला दत्तक घेण्यास स्पष्टपणे नकार देत आहे. महिलेच्या म्हणण्यानुसार तिने CINTAA कडे मदत मागितली आहे आणि दर्शनला असोसिएशनमधील अधिकृत पदावरून काढून टाकण्याची मागणी केली आहे.

याप्रकरणी महिलेने कोलकाता पोलिस ठाण्यात गुन्हा दाखल केला आहे. या महिलेचे म्हणणे आहे की, तिला आता तिच्या सन्मानासाठी ही लढाई लढायची आहे. या संबंधित अनेक पुरावेही तिने पोलिसांसमोर सादर केले आहेत.

दर्शन जरीवाला कायदेशीर लढाई लढण्यास तयार

हे प्रकरण समोर आल्यानंतर दर्शन यांच्या वकिलाने अभिनेत्याच्या वतीने निवेदन दिले आहे. दर्शन जरीवालाची वकील सविना बेदी सच्चर म्हणाली की, "अभिनेता निर्दोष आहे. जोपर्यंत तो दोषी सिद्ध होत नाही, तोपर्यंत दर्शन जरीवाला दोषी आहेत असं कोणीही गृहीत धरू नये", असे ते म्हणाले.

अभिनेत्याच्या बाजूने असा युक्तिवाद केला आहे की, "खोट्या आरोपांच्या आधारे लोकांना, विशेषतः सार्वजनिक व्यक्तींना दुखावण्याचा प्रयत्न केला जातो. त्यामुळे अभिनेता दर्शन कायदेशीर आधारावर लढण्यास तयार आहे."