WPL 2024: वुमन्स प्रीमियर लीगचा (Women's Premier League 2024) दुसरा सीझन लवकरच सुरू होणार आहे. या स्पर्धेचा उद्घाटन समारंभ शुक्रवारी (23 फेब्रुवारी) बेंगळुरू (Bengaluru) येथील एम चिन्नास्वामी (M Chinnaswamy Stadium) स्टेडियम येथे होणार आहे. या सोहळ्यामध्ये अनेक कलाकार हजेरी लावणार आहेत.
सिद्धार्थ मल्होत्रा आणि कार्तिक आर्यन हे बॉलिवूडमधील दोन प्रसिद्ध अभिनेते वुमन्स प्रीमियर लीग उद्घाटन समारंभाला उपस्थिती लावणार आहेत. वुमन्स प्रीमियर लीगच्या सोशल मीडिया आऊंटवरुन याबाबत माहिती देण्यात आली आहे.
वुमन्स प्रीमियर लीगच्या सोशल मीडिया अकाऊंटवर नुकताच काही फोटो शेअर करण्यात आला आहे. या फोटोमध्ये कार्तिक आर्यन आणि कार्तिक आर्यन दिसत आहेत. या फोटोला कॅप्शन देण्यात आलं, "ये किंडम नहीं, क्विनडम हैं, वुमन्स प्रीमियर लीगचा ओपनिंग समारंभ पाहा" 23 फेब्रुवारी रोजी सायंकाळी 6:30 वाजता उद्घाटन सोहळा सुरू होईल.
सिद्धार्थ मल्होत्रा पत्नी आणि बॉलिवूड अभिनेत्री कियारा अडवाणी हिने 2023 मध्ये WPL च्या ओपनिंग सोहळ्यात परफॉर्म केलं होतं. अभिनेता किर्ती सॅनन आणि गायक एपी धिल्लन यांनीही त्यावेळी परफॉर्म केलं.
वुमन्स प्रीमियर लीगच्या स्पर्धेतील पहिले 11 सामने बेंगळुरू येथे खेळले जातील. यानंतर, पाच संघ दिल्लीला येतील, जिथे एलिमिनेटरसह अंतिम सामना खेळला जाईल. लीग राउंडमध्ये 20 सामने खेळले जातील आणि त्यानंतर एलिमिनेटर आणि अंतिम सामना खेळवला जाईल. यावेळी या लीगचे यजमानपद बेंगळुरू आणि दिल्लीला देण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.