Yash Raj Films: कलाकारांसाठी सुवर्ण संधी, यशराजनं काढलं स्वत:चं कास्टिंग अ‍ॅप; 'हे' कारण देत घेतला मोठा निर्णय

Yash Raj Films: यशराज फिल्म्स ही भारतातील आघाडीची मीडिया कंपनी आहे. यशराज फिल्म्स या प्रोडक्शन हाऊसनं नुकतेच YRF कास्टिंग ॲप लॉन्च केले आहे, ज्याचा वापर जगभरातील कलाकार कास्टिंग कॉलची माहिती मिळवण्यासाठी आणि त्यांच्या ऑडिशन सबमिट करण्यासाठी करू शकतात. जाणून घेऊयात अॅपबद्दल...

YRF कास्टिंग ॲपमध्ये कलाकार त्यांचे प्रोफाइल बनवू शकतात. तसेच या अॅपवर कलाकार त्यांचे ऑडिशन अपलोड करु शकतात.

यशराज फिल्म्स हे अॅप लाँच करण्याचा निर्णय घेतला आहे कारण बनावट YRF कास्टिंग अकाऊंट्समुळे उद्भवलेल्या समस्या या YRF अॅपमुळे कमी होती. बनावट कास्टिंग कॉल्समुळे बऱ्याच वेळा कलाकारांची दिशाभूल होते. YRF अॅपमुळे कलाकार त्यांचे ऑडिशन आता थेट अॅपवर अपलोड करु शकतात.

YRF कास्टिंग डायरेक्टर शानू शर्मा ही YRF प्रोजेक्ट्समध्ये लीड म्हणून लॉन्च करण्यात येणाऱ्या लोकांची निवड करणे आणि त्यांचे प्रशिक्षण घेणे याचं काम करेत. शानू ही ॲपद्वारे येणाऱ्या सर्व ऑडिशन्सचे वैयक्तिकरित्या निरीक्षण करणार आहे. शानू शर्माने “एक था टायगर,” “गुंडे,” “सुलतान,” “टायगर 3,” “पठान”, “हिचकी,” “दम लगा के हैशा,” “मर्दानी” यासारख्या YRFच्या हिट चित्रपटांच्या टीममध्ये काम केलं आहे.

शानू शर्मानं सांगितलं, "YRF कास्टिंग ॲप हे इच्छुक कलाकारांना कंपनीद्वारे निर्मित प्रकल्पांसाठी थेट प्रवेश देण्याच्या दिशेने एक प्रगतीशील पाऊल आहे. जगभरात असंख्य प्रतिभावान कलाकार शोधणे या अॅपमधून शक्य होणार आहे.या अॅपच्या माध्यमातून प्रथमच, एक महत्त्वाकांक्षी कलाकार थेट प्रॉडक्शन हाऊसशी संपर्क साधू शकतो. हे एक सुरक्षित ठिकाण आहे. ज्या कलाकारांना त्यांची स्वप्ने पूर्ण करायची आहेत, त्यांना आता इतर कोणावर अवलंबून राहण्याची गरज नाही. "