'येऊ कशी..' फेम अदिती सारंगधरचा सोशल मीडियापासून ब्रेक

'येऊ कशी तशी मी नांदायला' Yeu Kashi Tashi Me Nandayla ही झी मराठी वाहिनीवरील अल्पावधीतच लोकप्रिय झाली. या मालिकेतील प्रत्येक भूमिकेने प्रेक्षकांची मनं जिंकली आहेत. यामध्ये मालविका ही नकारात्मक छटा असलेली भूमिका साकारणारी अभिनेत्री अदिती सारंगधर Aditi Sarangdhar कलाविश्वात अनेक वर्षांपासून कार्यरत आहे. इतर सेलिब्रिटींप्रमाणेच अदितीसुद्धा सोशल मीडियावर विविध फोटो, व्हिडीओ पोस्ट करत चाहत्यांच्या संपर्कात असते. पण सध्या तिने सोशल मीडियापासून ब्रेक घेण्याचा निर्णय घेतला आहे. अदितीने एक पोस्ट लिहित चाहत्यांना याविषयीची माहिती दिली. (Yeu Kashi Tashi Me Nandayla actress Aditi Sarangdhar takes a break from social media)

'सोशल मीडियापासून ब्रेक घेण्याची वेळ आली आहे. सध्यासाठी बाय, लवकरच भेटू', अशी पोस्ट तिने लिहिली आहे. अदितीने अचानक सोशल मीडियापासून ब्रेक घेण्याचा निर्णय का घेतला, हे मात्र अद्याप स्पष्ट झाले नाही. याआधीही अनेक सेलिब्रिटींनी विविध कारणांसाठी सोशल मीडियापासून काही काळ ब्रेक घेतला. काहींनी ट्रोलिंगला वैतागून तर काहींनी स्वत:ला वेळ देण्यासाठी हा निर्णय घेतला.

सध्या अदिती 'येऊ कशी तशी मी नांदायला' या मालिकेतील भूमिकेमुळे चर्चेत असते. या मालिकेत ती शाल्व किंजवडेकर, अन्विता फलटणकर, दिप्ती केतकर आणि शुभांगी गोखले यांच्यासोबत भूमिका साकारत आहे.