झी मराठी वाहिनीवरील 'येऊ कशी तशी मी नांदायला' yeu kashi tashi mi nandayla ही मालिका अल्पावधीतच लोकप्रिय झाली. सोशल मीडियावर या मालिकेची आणि त्यातील कलाकारांची चर्चा होत असते. या मालिकेत सध्या ओमकार आणि स्वीटूमधील प्रेम बहरतंय. स्वीटूने तिच्या प्रेमाची कबुली दिल्यानंतर या कथेत सध्या रोमँटिक वळण आल्याचं पहायला मिळतंय. मात्र नुकत्याच पार पडलेल्या एका एपिसोडमुळे ओमकारला सोशल मीडियावर चांगलंच ट्रोल केलं जातंय. (yeu kashi tashi mi nandayla omkar trolled on social media)
या एपिसोडमध्ये स्वीटू आणि ओम डेटवर जातात. मात्र हे दोघं जिथे जिथे जातात, तिथे कोणी ना कोणी ओळखीचे दिसतात. म्हणून स्वीटू अखेर ओमला वडापाव खाण्यासाठी घेऊन जाते. गाडीतून प्रवास करत असताना स्वीटू ओमला विचारते, तुला कुठला वडापाव आवडतो? ओमकारने त्याच्या आयुष्यात वडापाव कधीच खाल्ला नसल्याचं सांगतो. त्याच्या या वाक्यावरून सोशल मीडियावर खिल्ली उडवली जातेय.
मुंबईत राहत असलेल्या प्रत्येकाने कधी ना कधी बटाटा वडा किंवा वडापावची चव नक्कीच चाखलेली असते. त्यामुळे ओमचं हे वाक्य नेटकऱ्यांच्या पचनी पडत नाहीये. त्याच्या या संवादावरून सोशल मीडियावर मीम्स व्हायरल होत आहेत. रंजक कथानक आणि कलाकारांचं दमदार अभिनय यांमुळे ही मालिका सध्या चांगलीच गाजतेय. या मालिकेतील ओमकार आणि स्वीटूची जोडी चाहत्यांच्या पसंतीस उतरली आहे. यामध्ये अभिनेता शाल्व किंजवडेकरने ओमची तर अभिनेत्री अन्विता फलटणकरने स्वीटूची भूमिका साकारली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
