बॉलिवूड असो किंवा टॉलिवूड कलाकार म्हटलं तर जितकी चाहते असतात तितकेच ट्रोल करणारेही असतात. त्याचबरोबर याला टिव्हि कलाकारही अपवाद नाहीत. यातच सेलिब्रिटींना त्याच्या चाहत्यांशी कनेक्ट राहण्यासाठी सोशल मिडियावर सक्रिय रहावे लागते.
चाहतेही त्याच्या आवडत्या कलाकाराची प्रत्येक अपडेट जाणून घेण्यासाठी उत्सूक असतात. त्यांनी फोटो किंवा व्हिडिओ शेअर करताच त्याच्यावर लाईक्स आणि कमेंटचा वर्षाव होतो. मात्र त्यातच काहीजण त्यांना ट्रोलही करतात.
असचं अलीकडेच बिग बॉस आणि लॉक अप फेम झीशान खान याला देखील ट्रोलिंगचा सामना करावा लागला. एका व्यक्तीने चक्क त्याला 'दहशतवादी' म्हणतं ट्रोल केलं. मात्र हे वाचून शिझानही गप्प बसला नाही तर त्याने त्या युजरला सडेतोड उत्तर दिलयं. सध्या त्याचीच चर्चा सर्वत्र सुरु आहे.
त्याच झालं असं की, झीशानने त्याच्या इंस्टाग्राम हँडलवर स्वतःचा एक फोटो शेअर केला आहे. फोटोमध्ये तो ब्लॅक लूकमध्ये कॅमेऱ्यासाठी पोज देताना दिसला. अनेकांनी त्याच्या फोटोचे कौतुक केले, तर एका यूजरने त्याला 'दहशतवादी' म्हटले.
यावर त्याने उत्तर देत म्हटलं की, 'होय कारण मी तुझ्यासारख्या लोकांच्या समोर आलो ना तर तू खुपच घाबरलशील!' झीशानचे चाहतेही त्याच्या या कमेंटवर प्रतिक्रिया देत आहेत.
झीशान खानच्या कामाबद्दल बोलायचं झालं तर त्याला खरी ओळख 'कुमकुम भाग्य' या शोमधून मिळाली. त्यानंतर तो 'बिग बॉस ओटीटी'मध्येही दिसला. इथेही तो चांगलाच लाइमलाइटमध्ये आला त्यानंतर तो 'लॉक अप' शोमध्ये दिसला होता. या शोने त्याला खूप प्रसिद्धी दिली.
झीशान खान त्याच्या लव्ह लाईफमुळेही चांगलाच चर्चेत आला. तो 'कुमकुम भाग्य' मधील आलिया उर्फ रेहना पंडितला डेट करत आहे. रेहाना त्याच्यापेक्षा 10 वर्षांनी मोठी आहे. गेल्या वर्षीच त्यांनी त्याचे नाते सार्वजनिक केले.
वयातील फरकामुळे त्याला ट्रोलिंगचाही सामना करावा लागला. मात्र, याचा परिणाम त्यांच्या नात्यावर झाला नाही. दोघेही अनेकदा सोशल मीडियावर एकत्र फोटो शेअर करत असतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.