Marathi School: पालकांच्या मानसिकतेमुळे इंग्रजी माध्यमाच्या विद्यार्थ्यांची 'घरवापसी'; झेडपीच्या शाळांकडे ओढा

बदलला कल, मराठी शाळेत चल
Marathi School
Marathi SchoolESAKAL
Updated on

अहमदनगर: जिल्हा परिषद शाळांपासून दुरावलेली विद्यार्थ्यांची पावले पुन्हा मागे वळू लागलीत. इंग्रजी शाळांतून मराठी शाळांत येण्याचा कल वाढला आहे. मागील तीन ते चार वर्षांपासून पालकांची मानसिकता बदललेली दिसते.

गेल्या वर्षी सुमारे ८ हजार विद्यार्थ्यांनी माध्यमबदल केला. यंदा जून महिन्यातच सुमारे सातशेच्या घरात प्रवेशबदल झाले.

Marathi School
Talathi Bharti 2023: तलाठी पदभरतीला तत्काळ स्थगिती देण्यात यावी; राष्ट्रीय ओबीसी महासंघाच्या पदाधिकार्‍यांची मागणी

अहमदनगर जिल्हा परिषदेच्या शिक्षण विभागावर पालकांनी विश्वास ठेवल्याचेच हे द्योतक आहे. दर वर्षी प्रवेशसंख्या वाढतच आहे. कोरोना कालावधीनंतर मराठी शाळांकडे ओढा वाढल्याचे दिसते. यापूर्वीही माध्यमांतर होत होते, परंतु तीन वर्षांपासून संख्या वाढते आहे.

पूर्वी पाचवी किंवा आठवीच्या वर्गांत बदल होत. आता सर्वच वर्गांत इंग्रजी शाळांतून मराठी माध्यमांत प्रवेश होत आहेत. त्यातही पालक मुलींच्या तुलनेत मुलांची शाळा बदलत असल्याचे दिसते. सर्वच तालुक्यांत हे बदलाचे वारे आहे.

मराठी माध्यमाच्या शाळांचाही दर्जा सुधारत आहे. नवोदय विद्यालयासाठी जिल्हा परिषदेचेच विद्यार्थी सर्वाधिक निवडले जातात. मुख्य कार्यकारी अधिकारी आशिष येरेकर यांनी राबविलेल्या विविध उपक्रमांचा या विद्यार्थ्यांना फायदा होत आहे.

Marathi School
Nagpur: राज्यात रिक्षा चालकांचा संघर्ष तीव्र होण्याचे संकेत? राज्य सरकारकडून सातत्याने उपेक्षा झाल्याचा आरोप

जिल्हा परिषद, तसेच अनुदानित मराठी माध्यमाच्या शाळांत शालेय पोषणआहार, मोफत गणवेश, तसेच इतर सुविधा पुरविल्या जातात.

शिक्षणाचा दर्जा वाढविण्यासाठी सातत्याने उपक्रम राबविले जातात. हेही माध्यमबदलाचे कारण असल्याचे शिक्षणाधिकारी भास्कर पाटील यांनी सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.