औरंगाबाद : शहरात वाढत्या कोरोनाचा संसर्ग लक्षात घेता त्यावर प्रशासनातर्फे उपाययोजना करण्यात येत आहे. यालाच हातभार लावण्यासाठी पेट्रोलियम डिलर्स असोसिएशनने पुढाकार घेतला आहे. कोरोना संदर्भातील नियम पाळणाऱ्यांनाच आता पेट्रोल-डिझेल देण्यात येणार आहे. या संदर्भात सर्व सदस्यांनी एकजूटीने हा निर्णय घेतला असल्याचे असोसिएशनचे सचिव अखिल अब्बास यांनी सांगितले.
अखिल अब्बास म्हणाले की, पेट्रोलियम डिलर्स असोशिएशनतर्फे पेट्रोल पंपाधारकांना दिलेल्या निर्देशानुसार मास्क नसणाऱ्या वाहनधारकांना पेट्रोल डिझेल मिळणार नाही. सोमवार ते शुक्रवारदरम्यान पहाटे पाच ते रात्री आठ या वेळेतच पेट्रोल, डिझेल मिळेल. यावेळे व्यतिरिक्त इतर वेळेत मिळणार नाही. तसेच शनिवार आणि रविवारी या दोन दिवसांत मात्र केवळ अत्यावश्‍यक सेवेत समावेश असणाऱ्यांनाच पेट्रोल, डिझेल विक्री करण्यात येणार आहे.
मात्र या दरम्यान ओळखपत्र सोबत ठेवावे लागेल. याशिवाय दररोज रात्री आठ वाजता संचारबंदी सुरु होत असल्याने सात वाजेपर्यंतच इंधन भरुन घ्यावे, शहर जिल्ह्यातील पेट्रोलपंपावर गर्दी करु नये. कोरोनाविरोधात लढणे ही प्रत्येकाची जबाबदारी असून ती प्रत्येकानेच पार पाडायची आहे, असे भावनिक आवाहनही असोसिएशनतर्फे करण्यात आले आहे.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.