सबस्क्राईब करा
‘पीरबावडा - पीरबावडा (ता. फुलंब्री) येथील जिल्हा परिषद शाळेत दोनशे विद्यार्थ्यांचा भार फक्त चार शिक्षकांवर असल्याने पालकांनी नाराजी व्यक्त केली आहे. या शाळेत इयत्ता पहिली ते सातवीपर्यंत १९८ विद्यार्थी असून, या विद्यार्थ्यांसाठी फक्त चार शिक्षक कार्यरत असून, इयत्ता सहावी व सातवी वर्गातील ८२ विद्यार्थी असून, यांना शिकविण्यासाठी एका शिक्षिकेची प्रतिनियुक्ती करण्यात आली आहे.
आंदोलन करण्याचा पालकांचा इशारा
या शाळेतील एक शिक्षक निवडणूक कामासाठी सहा महिन्यांपासून छत्रपती संभाजीनगर येथील तहसील कार्यालयात आहे, तर एक शिक्षिका अर्जित रजेवर गेल्या आहेत; तसेच एक शिक्षिका दोन दिवसांपूर्वी सेवानिवृत्त झाल्या आहेत. त्यामुळे येथील जिल्हा परिषद शाळेत विद्यार्थ्यांचे शैक्षणिक नुकसान होत असून, निवडणूक कामासाठी पाठविलेल्या शिक्षकास तत्काळ शाळेत न पाठविल्यास तीव्र आंदोलन करण्याचा इशारा पालकांनी दिला आहे.
या शाळेतील एक शिक्षक हे निवडणूक कामी गेलेले असून, शालेय समितीने पत्र दिल्यावर आमच्याकडून संबंधित विभागाला शिक्षक सोडण्याबाबत पत्रव्यवहार करण्यात येईल.
- राजेश महाजन, शिक्षण विस्तार अधिकारी
येथील शाळेत दोन दिवसांत शिक्षकाची व्यवस्था न केल्यास, निवडणूककामी पाठविलेला शिक्षक हजर न झाल्यास गटशिक्षणाधिकाऱ्यांच्या दालनात विद्यार्थ्यांची शाळा भरविण्यात येईल.
- डॉ. सारंग गाडेकर, सरपंच पीरबावडा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.