९२ लाखाची फसवणुक, अटकपूर्व जामीन फेटाळला.

नांदेड : मुदखेड येथील दुय्यम निबंधक कार्यालयात १५९ ई- चलनाचे बनावट दस्तावेज तयार करुन शासनाची ९४ लाख २२ हजार ९० रुपयांची फसवणुक केल्याप्रकरणी एकाचा जिल्हा न्यायाधिश (दुसरे) के. एन. गौत्तम यांनी आरोपीचा अटकपूर्व जामीन नाकारला. मुदखेड पोलिसांत दोघांविरुध्द फसवणुकीसह आदी कलमान्वये गुन्हा दाखल आहे.

मुदखेड येथील दुय्यम निबंधक कार्यालयात ता. २४ एप्रील २०१७ ते ता. १९ जानेवारी २०१९ या काळात पांडुरंग व्यंकट कुलकर्णी व रोहितसिंह बिसेन दोघेही रा. बिसेनगनर व्हीआयपी रोड, नांदेड या दोघांनी संगनमत करुन १५९ ई- चलन दस्ताऐवजामध्ये चलन हे बनावट करुन स्वत: च्या आर्थीक फायद्यासाठी चलन न वापरता दुसराच बनावट पर्याय उपलब्ध करुन बनावट कागदपत्रे तयार केली. यामध्ये शासनाचा ९४ लाख २२ हजार ९० रुपयांचा महसुल बुडवून शासनाची फसवणुक केली. याप्रकरणी प्रभारी दुय्यम निबंधक शरद काळे यांनी दिलेल्या फिर्यादीवरुन मुदखेड पोलिसांनी दोघांविरुध्द फसवणुकीचा गुन्हा दाखल केला.

हेही वाचा -  लाइन ब्लाॅकमुळे रेल्वेच्या वेळा कोलमडल्या

एकाचा अटकपूर्व जामीन फेटाळला तर दुसऱ्याची सुनावणी पुढे ढकलली

तपास सहाय्यक पोलिस निरीक्षक विश्‍वांभर पल्लेवाड फौजदार नारायण शिंदे करीत आहेत. गुन्हा दाखल झाल्यानंतर रोहीतसिंह सुरेशसिंह बिसेन याने नांदेडच्या जिल्हा न्यायालयात अटकपूर्व जामीन मिळण्यासाठी अर्ज क्रमांक ३७/ २०२० आणि पांडूरंग व्यंकट कुलकर्णी याने अर्ज क्रमांक ३८/ २०२० दाखल केला. न्यायालयात पोलिसांनी दाखल केलेल्या ‘से’ पोलिसांचे म्हणणे आहे की, कंत्राटी पध्दतीवर काम करणाऱ्या संगणक चालकांनी स्वत: चा आर्थीक फायदा करुन शासनाला ९४ लाख २२ हजार ९० रुपयाचा महसुल बुडविला. ही रक्कम त्यांच्याकडून जप्त करायची आहे. ई- चालन विरुपीत करुन त्यात रोख पैसे दिले असे दाखवतांना यात कोणी इतर काही व्यक्तींचा सहभाग आहे का याची माहिती घ्यावयाची आहे.

येथे क्लीक करा - पोलिसांचे आता महाट्राफीक ॲप

खोट्या ई-चलनाद्वारे १५९ रजीस्ट्री 

खोट्या ईच चलनाद्वारे जवळपास दीडशेहून अधिक रजीस्ट्री करून दिल्या आहेत. या सर्व कारणासाठी माहिती घ्यावयाची आहे. त्यामुळे त्यांना अटकपूर्व जामीन देऊ नये. असा युक्तीवाद ॲड. रणजीत देशमुख यांनी न्यायालयासोर मांडला. यावरून न्यायाधीश गौत्तम यांनी या पांडूरंग कुलकर्णी याचा जामीन अर्ज फेटाळला. तर रोहितसिंग बिसेन याच्या अर्जावर बुधवारी (ता.२२) सुनावणी होणार आहे. हे प्रकरण गंभीर असून मुदखेड पोलिसांनी योग्यरित्या तपास केला तर अजून काही बडे मासे यात अडकण्याची शक्यता नाकारता येत नसल्याचे पोलिसांनी सांगितले.