Marathwada: शेततळ्यापासून घ्या खबरदारी, १७ वर्षीय मुलाचा झाला दुर्दैवी मृत्यू

Bidkin News: येथील पोलिस ठाणे हद्दीतील आलियाबाद येथील एका शेततळ्यात पडुन तरुणाचा मृत्यू झाल्याची घटना आज (ता.१५) सोमवार रोजी दुपारच्या वेळी घडली आहे.साकिर ईनामुल शेख,वय 17 वर्ष,रा‌.वेस्टबंगाल,ह.मु.आलियाबाद.ता.पैठण असे मयत झालेल्या तरुणाचे नाव आहे.

आलियाबाद शिवारातील गट क्रमांक ७१ मध्ये व्ही.पी.शेट्टी यांचे खडी क्रेशर असुन कामगार वसाहत तयार केलेली आहे.खडी क्रेशर जवळच्या शेततळ्यात हि घटना घडली आहे.घटनास्थळावरून कामगार व मयताचे नातेवाईक यांनी ग्रामीण रुग्णालय बिडकिन येथे दाखल केले असता वैद्यकीय अधिकारी डॉ मात्रे यांनी तपासुन मयत घोषित करत शवविच्छेदन करत मृतदेह नातेवाईकांच्या ताब्यात देण्यात आला आहे.मयताचा भाऊ हा खडी क्रेशरवर काम करत होता.

मयत मुलगा हा भावासोबत काही दिवसांपुर्वी सोबत राहत असल्याची माहिती कामगारांनी दिली आहे.बिडकिन पोलिस ठाणे येथे अकस्मात मृत्यूची नोंद करण्यात आली असून याबाबत पुढिल तपास पोलिस कर्मचारी योगेश नाडे हे करित आहेत.