परभणी : धावत्या कारने अचानक पेट घेतल्याची घटना शहरातील वसमत रस्त्यावर शनिवारी (ता.२) सकाळी १० वाजण्याच्या सुमारास घडली. सुदैवाने या कारमधील प्रवासी तातडीने कारबाहेर पडल्याने त्यांचा जीव वाचला. या आगीत कारचे मोठे नुकसान झाले आहे.
काही प्रवासी चंद्रपुरहून नाशिककडे कार क्रमांक एम एच १५ ईएक्स ८१०६ यामध्ये बसून जात होते. सकाळी १० वाजण्याच्या सुमारास ते परभणी शहरातील वसमत रस्त्यावर आले. या रस्त्यावरील औद्योगिक वसाहतीच्या प्रवेशद्वार क्रमांक १ समोर आल्यानंतर कारमधून अचानक धुर निघाल्याचे कार चालकांच्या लक्षात आले. या कारमध्ये सहा प्रवाशी प्रवास करत होते. कार तातडीने थांबवून कारमधील प्रवासी बाहेर पडले. क्षणार्धातच कारने पेट घेतला. या ठिकाणी असलेल्या नागरीकांनी अग्नीशमन दलाला घटनेची माहिती दिली.
नागरीकांनी गाडीची आग विझविण्याचा प्रयत्न केला. शहर वाहतूक शाखेचे फौजदार मकसुद पठाण, पोलिस अमलदार शेख मुस्ताक, प्रल्हाद देशमुख, बालाजी जाधव, मुजीब, अनिल राठोड यांनी घटनास्थळी धाव घेतली. त्यांनी वाहतूक कोंडी सुरळीत केली. अग्नीशमनचे गौरव देशमुख, अक्षय पांढरे, उमेश कदम, संतोष मुदिराज यांनी नागरीकांच्या मदतीने आग विझविली. सुदैवाने या घटनेत कुणीही जखमी झाले नाही. परंतु गाडीचे मोठे नुकसान झाले आहे. गॅसवर असलेल्या या गाडीला आग कशामुळे लागली यांची माहिती मात्र मिळू शकली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
