औसा (जि.लातूर) : सभागृहात गोंधळ घातला म्हणून महाविकास आघाडी सरकारने (Mahavikas Aghadi Government) भाजपच्या बारा आमदारांचे गेल्या वर्षी निलंबन केले होते. त्या विरोधात भाजपच्या या बारा आमदारांनी सर्वोच्च न्यायालयात दाद मागितली होती. त्याचा निकाल नुकताच लागला असून माननीय सर्वोच्च न्यायालयाने हे निलंबन रद्द केल्यावर औशाचे भाजप (BJP) आमदार अभिमन्यु पवारांनी (Abhimanyu Pawar) प्रतिक्रिया दिली आहे. ते म्हणतात, न्यायालयाने आघाडी सरकारचे हे षडयंत्र उधळून लावले. आघाडी सरकारने षडयंत्र रचत भारतीय जनता पक्षाच्या आम्हा १२ आमदारांना विधानसभेतून निलंबित केले होते. आज सर्वोच्च न्यायालयाने आमचे निलंबन रद्द केले आहे. यापूर्वीच न्यायालयाने १२ आमदारांना निलंबित करण्याचा निर्णय असंवैधानिक असून या संविधानाच्या मूलभूत रचनेला धक्का पोहोचवणारा तसेच आमदारांना नाही तर मतदारसंघातील जनतेला शिक्षा देणारा हा निर्णय आहे, अशा शब्दांत आघाडी सरकारवर ताशेरे ओढले होते. (Abhimanyu Pawar Welcome Judgment Of Supreme Court On 12 BJP Suspended MLAs)
मागच्या दाराने सत्ता मिळवून ती असंवैधानिकपणे राबविण्याच्या आघाडी सरकारच्या प्रयत्नांना हा मोठा धक्का आहे. सर्वोच्च न्यायालयाच्या निर्णयाचे स्वागत आणि आमच्या अधिकारांचे रक्षण केल्याबद्दल विनम्रतापूर्वक आभार ! न्यायालयाचा आजचा निर्णय हा लोकशाहीला मार्गदर्शक व दिशादर्शक ठरणार असल्याची प्रतिक्रिया त्यांनी 'सकाळ'कडे दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
