उस्मानाबाद : लोहारा तालुक्यातील माकणी येथील नारायण साठे व सतिश पवार हे कामानिमित्त पुणे थेथे वास्तव्यास आहेत. पुण्यात कोरोनाचा फैलाव होऊ लागल्याने ते आपल्या कुटुंबांसह एकाच कारमधून पुण्याहून लोहारामार्गे माकणीकडे निघाले होते.
गावापासून अवघ्या तीन ते चार किमीटर अंतरावर असलेल्या खेड पाटीजवळ शुक्रवारी (ता. २०) दुपारी पावणे तीनच्या सुमारास त्यांचा भीषण अपघात झाला.
माकणीहून येणाऱ्या एका कंटेनरची (एम.एच.१३ आर १२८७) व त्यांच्या कारची (एम.एच. १२ पीएच ६३२६) समोरासमोर धडक झाली. यात चालक नेताजी मनोहर मोरे (वय २८) यांच्यासह मनिषा नारायण साठे (वय ३२), वैष्णवी नारायण साठे (वय १२), वैभवी नारायण साठे (वय आठ सर्व रा. माकणी) हे चौघे जागीच ठार झाले.
तर नारायण हरीदास साठे (वय ३६) त्यांचा मुलगा हरीश नारायण साठे (वय दोन), शीतल सतिश पवार (वय ३०), संस्कृती सतिश पवार (वय सहा), वेदांत सतिश पवार (वय तीन) असे पाचजण गंभीर जखमी झाले आहेत. यातील हरीष साठे, शीतल पवार यांना पुढील उपचारासाठी सोलापूरला, तर शीतल पवार (वय ३०), संस्कृती पवार (वय सहा), वेदांत पवार (वय तीन) यांना उस्मानाबाद येथील रूग्णालयात दाखल करण्यात आले आहे.
याहून दुःखद आणखी काय असू शकते..
अपघात इतका भीषण होता, की कारचा चक्काचूर झाला, तर कंटेनरचे समोरील चाक निखळून पडले. कार व कंटेनर यांच्यात झालेल्या या भीषण अपघातात कारचालकासह चौघांचा जागेवरच मृत्यू झाला. मृतांमध्ये आई व दोन मुलींचा समावेश आहे. यात पाचजण गंभीर जखमी झाले आहेत.
कोरोना संसर्गजन्य आजाराचे पुण्यात वाढते संक्रमण पाहता यातून आपली सुटका व्हावी, यासाठी गावाकडे निघालेल्या पवार व साठे कुटुंबावर अखेर काळाने झडप घातली. अपघातात मायलेकरांसह चौघांचा मृत्यु झाल्याने माकणी गावांवर शोककळा पसरली असून सर्वत्र हळहळ व्यक्त केली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.