वैजापूर : दोन दुचाकींची समोरासमोर धडक होऊन झालेल्या अपघातात दोन तरुण ठार तर अन्य दोघे गंभीर जखमी झाले ही दुर्घटना शनिवारी रात्री पावणे बारा वाजेच्या सुमारास गंगापूर रस्त्यावर घडली.
सागर शिवसिंग राजपूत (वय २५ रा.परदेशी गल्ली), साहिल दत्तात्रेय पगारे (वय २२ रा.शिर्डी) अशी या अपघातातील मृतांची नावे आहेत. या घटनेविषयी पोलिसांनी सांगितले की, शुभम साबळे (वय २० रा.पंचशील नगर), अजय दुशिंग (वय २२ रा.शिर्डी) हे दोघे गंभीर जखमी झाले असून त्यांना प्राथमिक उपचारानंतर छत्रपती संभाजीनगर येथे दाखल करण्यात आले आहे.
या घटनेबाबतची अधिक माहिती अशी की, सागर राजपूत हा रात्री पावणे बारा वाजेच्या सुमारास गंगापूर चौफुली येथून वैजापूरच्या दिशेने दुचाकीवर येत होता. त्यावेळी सभांजीनगरकडे जाणाऱ्या दुचाकीशी धडक झाल्याने दोघांचा जागीच मृत्यू झाला तर अन्य दोघे गंभीर जखमी झाले. घटनेची
माहिती मिळताच वैजापूर पोलिसांनी तातडीने घटनास्थळी धाव घेऊन जखमींना उपचारासाठी दवाखान्यात दाखल केले. या अपघाताची वैजापूर पोलिस ठाण्यात नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
