किल्लारी : नातेवाईकांच्या परिवारातील मुलाचे पुणे येथे लग्न समारंभ संपन्न करून गावी परतत असताना सकाळी लातूर गुलबर्गा राष्ट्रीय महामार्गावर चलबुर्गा पाटी ( ता. औसा जिल्हा लातूर ) जवळ अपघात झाला. या अपघातात एकाच कुटुंबातील चौघांचा मृत्यू झाला. वाहनावरील नियंत्रण सुटल्याने वाहन पुलाखाली पलटी होऊन पडले आहे.
निलंगा (जिल्हा लातूर) येथील नातेवाईकांच्या मुलाचे पुण्याला लग्न समारंभ आटोपून निघालेले नातेवाईक लामजण्यापासून जवळच असलेल्या चलबुर्गा पाटी येथे चालकाचे वाहनावरील नियंत्रण सुटल्याने एम एच 24 ए एफ 7050 हे वाहन पुलाखाली पलटी झाले.
यात अंश किरण बडुरकर ( वय 10 ), जय सचिन बडुरकर, अमर सचिन बडुरकर ( वय 15) , आणि प्रकाश कांबळे ( 27 ), यांचा जागीच मृत्यू झाला. तर जान्हवी सचिन बडुरकर, यश किरण बडुरकर, गोदावरी सचिन बडुरकर, सचिन दिगंबर बडुरकर हे जखमी झाले असून त्यांना औसा येथील ग्रामीण रुग्णालयात पाठविण्यात आले.
अपघातात गोदावरी सचिन बडुरकर आणि जान्हवी सचिन बडुरकर हे गंभीर जखमी झाल्याने त्यांना लातूर येथील शासकीय वैद्यकीय महाविद्यालयात उपचारासाठी दाखल करण्यात आले आहे.
लग्नानंतर नवरा नवरी आणि वऱ्हाडी दोन वाहनाने गावी ( निलंगा) निघाले होते. यातील नवरा नवरी सुखरूप असल्याची माहिती मिळत आहे. यातील गोदावरी सचिन बडुरकर आणि जान्हवी सचिन बडुरकर हे गंभीर जखमी झाल्याने त्यांना लातूर येथील शासकीय वैद्यकीय महाविद्यालयात उपचारासाठी दाखल करण्यात आल्याचे नातेवाईकांनी सांगितले. घटनास्थळाला उपविभागीय पोलीस अधिकारी मधुकर पवार, किल्लारी पोलीस स्टेशनचे सहाय्यक पोलीस निरीक्षक नाना लिंगे, बीट जमादार सचिन ऊस्तुर्गे, बीट जमादार आर. बी. साळुंखे, दत्ता गायकवाड, आबा इंगळे, यांनी पाहणी केली.
चलबुर्गा अपघातामध्ये चौघांचा मृत्यू झाला असून उर्वरित गंभीर जखमींना लातूरला पाठवण्यात आले आहे.
- डॉ. रणदिवे, वैद्यकीय आरोग्य अधिकारी, औसा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
