Pankaja Munde : विधान परिषदेवर विजयी झाल्यानंतर पंकजा मुंडेंचे ठिकठिकाणी मोठ्या जल्लोषात स्वागत

बीड : विधान परिषदेवर विजयी झाल्यानंतर पंकजा मुंडे सोमवारी (ता. २९) प्रथमच जिल्ह्यात आल्या. सर्वप्रथम त्यांनी सावरगाव घाट (ता. पाटोदा) येथील भगवान भक्तीगडावर बाबांचे दर्शन घेतले. त्यानंतर परिसरातील श्री क्षेत्र नारायणगडावर जाऊन नगद नारायण महाराज व मठाधिपती शिवाजी महाराज यांचे दर्शन घेतले. जिल्ह्यात समर्थकांची त्यांचे जंगी स्वागत केले.

बीडमध्ये पोचल्यानंतर त्यांनी छत्रपती शिवाजी महाराज यांच्या पुतळ्याला अभिवादन केले. त्यांनी जेसीबीतून फुले वाहीली. त्यांच्या स्वागताला समर्थकांची मोठी गर्दी होती. त्यानंतर त्यांनी गोपीनाथगडाव दिवंगत गोपीनाथराव मुंडे यांच्या समाधीचे दर्शन घेतले.

त्यांच्या स्वागताला समर्थकांची मोठी गर्दी केली होती. आमदार बाळासाहेब आजबे, माजी आमदार सुरेश धस, माजी आमदार भीमराव धोंडे, शिवसेना जिल्हाप्रमुख अनिल जगताप, भाजप जिल्हाध्यक्ष राजेंद्र मस्के, शिवसेना जिल्हाप्रमुख सचिन मुळूक आदी उपस्थित होते.