Pregnant Women : गर्भवती महिलेला उपचारासाठी घेऊन जाण्याकरता येत होती रुग्णवाहिका, पण रस्त्यात...

बिडकिन : ग्रामीण रुग्णालय बिडकिन (Rural Hospital Bidkin) अंतर्गत येत असलेल्या बालानगर येथे एका गर्भवती महिलेला (Pregnant Women) उपचारासाठी घेऊन येण्यासाठी जात असलेल्या रुग्णवाहिका (Ambulance) सेवा १०८ ला तब्बल अर्धा तास वाहतुकीच्या कोंडीत थांबावे लागले. ही घटना आज निलजगाव फाटा परिसरात घडलीये.

बालानगर येथे रुग्णवाहिका सेवा १०८ ला आलेल्या अत्यावश्यक फोनमुळे गर्भवती महिलेला उपचारासाठी घेऊन येण्यासाठी ही रूग्णवाहिका जात होती. दरम्यान, जलवाहिनीच्या कामाला वाहतुकीची समस्या निर्माण होत असल्याने सुप्रीम कोर्टात याचिका दाखल करण्यात आली होती. सुप्रीम कोर्टाने जड वाहनांना बंदी घालून दिली होती.

मात्र, जीव्हीपीआर व इतर कंत्राटदारांच्या निष्काळजीपणामुळे जड वाहतूक मोठ्या प्रमाणावर आणि भरधाव वेगाने येत-जात असल्याने बिडकिनमधील निलजगाव फाटा ते शेकटा फाटा आणि बसस्थानक परिसरात मोठ्या प्रमाणावर जड वाहनांमुळे मोठी वाहतूक कोंडी निर्माण होत आहे. जड वाहनांमुळे वाहनांच्या रांगा लागत आहेत. तरी, ही जड वाहतूक बंद करण्यात यावी, अशी मागणी वाहनधारकांच्या वतीने करण्यात आली आहे.