जालना : छत्रपती संभाजीनगर-जालना मार्गावरील हॉटेल आदर्श पॅलेस इथे वाढदिवस पार्टीमध्ये जुन्या वादातून एकाचा चाकूने भोसकून खून झाला. ही घटना शनिवारी (ता. तीन) मध्यरात्री घडली. नवनाथ गोपीचंद कुलभैय्ये (रा. बदापूर, ता. अंबड) असे या मृताचे नाव आहे. या प्रकरणी चंदनझिरा पोलिसांनी एका संशयिताला ताब्यात घेतले.
आदर्श पॅलेस येथे विठ्ठल विष्णू सोळुंके याच्या वाढदिवसानिमित्त शनिवारी पार्टी होती. एकाच ट्रॅव्हल्स एजन्सीमध्ये चालक असलेले कुलभैय्ये आणि अरुण श्रीसुंदर यांचा पार्टीत सहभाग होता. पंधरा दिवसांपूर्वी कुलभैय्ये याला ट्रॅव्हल्स कंपनी मालकाने नोकरीवरून काढले होते.
श्रीसुंदर यानेच आपल्या विरोधात षडयंत्र रचल्याचा संशय कुलभैय्ये याला होता. या कारणावरून पार्टीत दोघांमध्ये वाद झाला. यातून कुलभैय्ये याला चाकूने भोसकले. त्यात त्याचा मृत्यू झाला, अशी माहिती चंदनझिरा पोलिस ठाण्याचे निरीक्षक सम्राटसिंह राजपूत यांनी दिली. या प्रकरणी संशयित श्रीसुंदर (रा. सायगाव डोंगरगाव, ता.बादपूर) याला पोलिसांनी ताब्यात घेतले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
