जालन्यात तब्बल ३० एकरावरील ऊस जळून खाक,शेतकऱ्यांचे मोठे नुकसान

जाफराबाद (जि.जालना) : हनुमंतखेडा (ता.जाफराबाद) (Jafrabad)येथील शेतात उभ्या असलेल्या ऊसाला गुरुवारी (ता.तीन) दुपारी तीन वाजेच्या सुमारास आग लागल्याने शेतकऱ्यांचे मोठे नुकसान झाले आहे. त्या परिसरातील सुमारे २५ ते ३० एकर ऊस (Sugarcane) जळुन खाक झाला आहे. तालुक्यातील हनुमंतखेडा परिसरात ऊसाला लागलेल्या आगीत गजानन भोपळे, सिध्देश्वर भोपळे, प्रल्हाद भोपळे, विठोबा भोपळे, रघुनाथ भोपळे, देविदास भोपळे, विष्णु भोपळे, पुंजाराम भोपळे या शेतकऱ्यांचे ऊसाचे (Jalna) नुकसान झाले आहे. हनुमंतखेडा येथे ऊसाला लागलेली आग आटोक्यात आणण्यासाठी परिसरातील शेतकऱ्यांनी प्रयत्न केले. (At Least 30 Acre Sugarcane Burned In Jalna, Big Loss For Farmers)

तसेच तहसिलदार स्वरुप कंकाळ यांना घटनेची माहीती मिळाल्यानंतर जाफराबाद नगरपंचायतीच्या अग्निशमन दलाला तात्काळ घटनास्थळी पाठविण्याबाबतच्या सुचना दिल्या.