औरंगाबाद : औरंगाबाद पूर्व विधानसभा मतदारसंघाच्या निवडणुकीत भाजपचे अतुल सावे आणि एमआयएमचे इम्तियाज जलील यांच्यात अटीतटीचा सामना झाला. संपूर्ण राज्याचे लक्ष या मतदारसंघाकडे लागले होते. सुरवातीला एकगठ्ठा वाटणाऱ्या मुस्लिम मतांची शेवटच्या टप्प्यात फाटाफूट झाल्याने अवघ्या २,१६१ मतांनी सावे विजयी झाले आणि इम्तियाज जलील यांना पराभव पत्करावा लागला. विशेष म्हणजे, पंधरा मुस्लिम उमेदवारांनी एकूण २३ हजार मते घेतली आहेत.