छत्रपती संभाजीनगर : सातारा परिसरातील एका १४ वर्षीय मुलीवर सामूहिक अत्याचार केल्याचे प्रकरण राज्यभर गाजले. या गुन्ह्यातील काही आरोपींना अटकही करण्यात आली, तर सहा जणांविरोधात गुन्हे दाखल झाले आहेत. याप्रकरणी पीडितेवर तब्बल ५० वेळा अत्याचार झाल्‍याची धक्कादायक बाब समोर आली असून तपास अधिकाऱ्यांनी सदर माहिती न्यायालयात सादर केली आहे.
अक्षय प्रकाश चव्हाण (वय १९, रा. डोणगाव तांडा ता. पैठण), शेख बबलू शेख लतिफ ऊर्फ असीम पठाण (एचपी) (२४, रा. जमालनगर, देवळाई) आणि रामेश्वर अंबादास गायकवाड (२२, रा. अलोकनगर, बीड बायपास सातारा परिसर, मूळ रा. मानेगाव खालसा, रामनगर, जि. जालना) अशी अटकेतील आरोपींची नावे असून आरोपींच्या पोलिस कोठडीत १६ जूनपर्यंत वाढ करण्याचे आदेश जिल्हा व सत्र न्यायाधीश ए. एस. वैरागडे यांनी मंगळवारी (ता.१३) दिले.
पीडितेवर अत्याचार झालेल्या तीन ठिकाणचे पंचनामे करण्यात आले. गुन्ह्यात वापरलेल्या वाहनांपैकी अक्षय चव्हाण याने वापरलेली इंडिका कार (एमएच २०, बीए ९१४१) डोणगाव (ता. पैठण) येथून हस्तगत करण्यात आली. त्याने गुन्ह्यात वापरलेली दुचाकी (एमएच २०, ५२५) अल्पवयीन साथीदाराची असल्याचे अक्षयने सांगितले.
रामेश्वर गायकवाड याने दुचाकी (एमएच २०, ईएफ ५५०८) गुन्ह्यात वापरल्याची कबुली दिली मात्र ती कोठे ठेवली याची माहिती त्याने दिली नाही. याशिवाय आरोपी शेख बब्बू शेख लतीफ याने गुन्ह्यात वापरलेली दुचाकी (एमएच २०, ९२५४) शेख हुसेन (रा. देवळाई) याच्याकडे असल्याचे पोलिसांना सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
