औरंगाबाद : शिवसेनेतर्फे निवडणुकीपूर्वी स्वस्त वीज देण्याचे आश्वासन देण्यात आले होते. मात्र वचन पाळले नाही, त्यामुळे आम आदमी पार्टीतर्फे मुख्यमंत्री उद्धव ठाकरे यांच्या विरोधात विविध पोलिस ठाण्यात फसवणुकीचा गुन्हा दाखल करावे या मागणीचे निवेदन देण्यात आले.
मुख्यमंत्री उद्धव ठाकरे यांनी विधानसभा निवडणुकीपूर्वी राज्यातील वीज ग्राहकांना ३०० युनिट वीज वापर केल्यास ३० टक्के स्वस्त वीज देण्याचे वचन दिले होते. मात्र हे वचन न पाळता उलट २० टक्के दर वाढ करून राज्यातील जनतेची फसवणूक करण्यात आली आहे. देशात आणि राज्यात महामारीचे संकट असताना १ एप्रिल २०२० पासून जवळपास २० टक्के वीज दर वाढ करून ३ रुपये प्रति युनिट तयार होणारी विज १५ रुपये दराने वसुली करण्यात येत आहे. ही कृती एकूणच राज्यातील जनतेसोबत धोका देणारी आहे. या प्रश्नासाठी आम आदमी पार्टीतर्फे वारंवार आंदोलने करुन निवेदने देण्यात आले आहेत.
त्याकडे दुर्लक्ष करण्यात येत असल्याने त्यामुळे महावितरण व मुख्यमंत्र्यांच्या विरोधात कलम ४२० प्रमाणे फौजदारी कारवाई करावी या मागणीचे निवेदन सिटीचौक, पुंडलीकनगर आणि सिडको पोलिस ठाण्यात देण्यात आले आहे. यावेळी जिल्हाध्यक्ष रघुनाथदादा पाटील, सदाशिव पाटील, अंकुशराव आगे, माजाज खान, रवींद्र पाटील, सुदर्शन बारवाल, रवींद्र भैया, प्रशांत जेऊरकर, वैजनाथ राठोड, कैलास बनसोडे, सतीश संचेती, यांची उपस्थिती होती.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.