Crimesakal
छत्रपती संभाजीनगर
Chatrapati Sambhajinagar Crime : 'एनपीडीएस’च्या पथकावर दगडफेक, पीएसआयला चावा घेऊन आरोपींनी स्वतःवरच करून घेतले वार
गांजा विकणारा रेकॉर्डवरील गुन्हेगार आणि त्याच्या साथीदाराने भर रस्त्यात गोंधळ घालत ‘एनपीडीएस’च्या पथकावरच हल्ला चढवला.
छत्रपती संभाजीनगर - गांजा विकणारा रेकॉर्डवरील गुन्हेगार आणि त्याच्या साथीदाराने भर रस्त्यात गोंधळ घालत ‘एनपीडीएस’च्या पथकावरच हल्ला चढवला. चक्क पोलिस उपनिरीक्षकाच्या हाताला चावा घेत दगडफेक केली. नंतर आरोपींनी स्वतःवर वार करून घेत पोलिसांवर दबाव टाकण्याचा प्रयत्न केला. मात्र, खमक्या पथकाने आरोपींचा यथेच्छ समाचार घेत त्यांची मस्ती जिरवून जेरबंद केले. ता. १२ सप्टेंबरला दुपारी दीड वाजता जयभवानीनगर भागात गल्ली क्रमांक १४ जवळ हा प्रकार घडला.