Ghati Hospital Death: राज्यातील सरकारी रुग्णालये व्हेंटिलेटरवर! आता घाटी रुग्णालयात २४ तासांत १० मृत्यूनं खळबळ

छत्रपती संभाजीनगरमधील घाटी रुग्णालयात 24 तासांत 10 जणांचा मृत्यू झाला आहे. या 10 मृतांमध्ये 2 बालकांचा देखील समावेश आहे. ठाणे, नांदेडनंतर आता छत्रपती संभाजीनगरमध्ये रुग्ण दगावल्यामुळे खळबळ उडाली आहे. तर घाटी रूग्णालयात पुढचे १५ दिवस पुरेल इतकाच औषधांचा साठा उपलब्ध आहे. ठाणे, नांदेडनंतर आता छत्रपती संभाजीनगरमध्ये देखील अत्यावस्थ परिस्थिती निर्माण झाल्याचे दिसून येत आहे. (Latest Marathi News)

तर गेल्या २४ तासांमध्ये 10 जणांचा मृत्यू झाला आहे. घाटी हे शासकीय रुग्णालयात मराठवाड्यातील सर्वांत मोठे शासकीय रुग्णालय आहे. जवळपास १४ ते १६ जिल्ह्यातील रुग्ण या शासकीय रुग्णालयात उपचारांसाठी येतात. त्याचबरोबर या रुग्णालयामध्ये पुढचे १५ दिवस पुरेल इतकाच औषधांचा साठा उपलब्ध असल्याची माहिती समोर आली आहे. (Marathi Tajya Batmya)

तर या रुग्णांच्या मृत्यूची कारणे विचारली असता, बाहेरच्या रूग्णालयातील रेफर करण्यात आलेल्या रूग्णांचा त्यांचा मृत्यू झाल्याचे सांगितले जात आहे. तर काल(सोमवारी) नांदेडमध्ये २४ तासांत २४ रूग्णांचा मृत्यू झाला आहे, तर छत्रपती संभाजीनगरमध्ये १० रूग्णांचा मृत्यू झाला आहे. मराठवाड्यातील या दोन जिल्ह्यात ३४ रूग्णांचा मृत्यू झाला आहे. यामुळे चिंता व्यक्त केली जात आहे. यासंबधीचे वृत्त 'टिव्ही ९ मराठी'ने दिले आहे.

नांदेड जिल्ह्यातील शासकीय महाविद्यालय आणि रुग्णालयात २४ तासांत तब्बल २४ जणांचा मृत्यू

नांदेड जिल्ह्यातील डॉ. शंकरराव चव्हाण शासकीय महाविद्यालय आणि रुग्णालयात २४ तासांत तब्बल २४ जणांचा मृत्यू झाल्याचा धक्कादायक प्रकार समोर आला आहे. यानंतर राज्यभरातून संताप व्यक्त केला जात असून राज्यातील सार्वजनिक आरोग्य व्यवस्थेचा मुद्दा ऐरणीवर आला आहे. (Latest Maharashtra News)

कळवा रुग्णालयात एकाच रात्री १८ जणांचा मृत्यू

दोन महिन्यापूर्वी ठाण्यातील महापालिकेच्या कळवा रुग्णालयात एकाच रात्री १८ जणांचा मृत्यू झालेली घटना गांभिर्याने घेतली नसल्याने या अत्यंत गंभीर घटनेचे पुनरावृत्ती झाल्याचे शरद पवार म्हणाले आहेत. तसेच ये सरकारी यंत्रणांचे अपयश असल्याचे देखील पवार म्हणाले आहेत.