छत्रपती संभाजीनगर : विधानसभेच्या पूर्व मतदारसंघातील महायुतीचे उमेदवार अतुल सावे यांच्या प्रचारार्थ बुधवारी (ता.१३) ठाकरे नगर येथे पदयात्रेचे आयोजन करण्यात आले होते.
या पदयात्रेत सावे यांनी नागरिकांशी थेट संवाद साधत, मतदारसंघातील विकासाची गती कायम ठेवण्यासाठी महायुतीला साथ द्या... असे आवाहन केले.
यावेळी सावे म्हणाले, मागील अडीच वर्षांत मतदारसंघात हजारो कोटी रुपयांची विकासकामे करण्यात आली आहे. ज्यामुळे मतदारसंघाचा चेहरा बदलत आहे.
मात्र, विकासाचा हा प्रवास अजून अपूर्ण असून, संपूर्ण मतदारसंघाचे स्वरूप बदलण्यासाठी आणखी काही कामे करणे आवश्यक आहे.
आजवर रस्त्यांचे सुधारकाम, पाण्याची व्यवस्था आणि स्वच्छता यांसारख्या मूलभूत सुविधा पुरवण्यावर भर देण्यात आला आहे. याच अनुषंगाने, विकासाचा हा प्रवास पूर्णत्वास नेण्यासाठी महायुतीला सहकार्य करण्याचे आवाहनही त्यांनी केले.
याप्रसंगी राजेंद्र जंजाळ, अभिजीत देशमुख, सत्यभामा शिंदे, बापू घडामोडे, दामु अण्णा शिंदे, अमोल मोरे, सचिन करोडे, रामदास फड, मुकुंद दामोदरे, दत्ता घन, बाळू खोचे, अजिंक्य केतकर, विजय रसाळ, राधा कोथंबिरे, अभिषेक कादी, लक्ष्मण गोरे, कृष्णा निकुले, महेश केदार, राजू होळीवाले, हरिभाऊ भोसले, भाग्यश्री राजपूत, अंजली वडजे, शिल्पा भोसले, कविता शिंदे, माधुरी साळुंखे, शुभम गायकवाड, शुभम खराडकर, शाम तुपे, अजय तांदळे यांच्यासह पदाधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.