आडुळ(जि.औरंगाबाद) : मोकळ्या जागेत झन्नामन्ना नावाचा जुगार खेळणाऱ्या पाच जणांना अटक करण्यात आली, तर एक जण फरार झाला. ही कारवाई पाचोड पोलिसांनी शनिवारी (ता.एक) दुपारी केली. या जुगाऱ्यांकडुन जुगार खेळण्याच्या साहित्यासह रोख ९ हजार १९० रुपयांचा मुद्देमाल जप्त करण्यात आला. पाचोड पोलिसांना शनिवारी आडुळ येथे काही जण एका शेतात मोकळ्या जागेत लिंबाच्या झाडाखाली पैसे लावुन झन्नामन्ना नावाचा जुगार खेळत असल्याची माहिती गुप्त बातमीदारामार्फत मिळाली.
या आधार पोलिसांनी सापळा रचून शनिवारी दुपारी या अड्ड्यावर धाड टाकून जुगार खेळत असलेल्या वकिल चाँदमिया शेख (वय ३०), पाशु चाँद शेख (३६), अर्जुन सुरमाजी बनकर (३०), प्रविण नानाराव बनकर (३८, सर्व रा.आडुळ बु), विष्णू जनार्दन गोर्डे (३४, रा.रजापुर) यांना अटक करण्यात आली, तर एक जण फरार झाला. ही कारवाई पाचोड पोलिस ठाण्याचे सहायक पोलिस निरीक्षक गणेश सुरवसे यांच्या मार्गदर्शनाखाली पोलिस उपनिरीक्षक सुशांत सुतळे, रविंद्र क्षिरसागर, विश्वजित धन्वे, श्री. फोलाने, श्री. मुळे, श्री.जारवाल, श्री. पाटेकर यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
