औरंगाबाद : पक्षी सप्ताहानिमित्त निसर्ग मित्रमंडळ व महाराष्ट्र पक्षी मित्र संघटनेतर्फे डॉ. बाबासाहेब आंबेडकर मराठवाडा विद्यापीठ, गोगाबाबा टेकडीच्या परिसरातील माळरानावरील पक्षी निरीक्षणात दुर्मिळ इजिप्शियन गिधाड आढळून आला, अशी माहिती मंडळाचे सचिव किशोर गठडी यांनी दिली.
कार्यक्रमात किशोर गठडी यांनी पक्षी सप्ताहाबद्दल माहिती दिली. पक्षी निरीक्षण, पक्ष्यांची ओळख व त्यांच्या नोंदी कश्या घ्याव्या याची माहिती दिली. याच बरोबर पक्षी अभ्यासक किरण परदेशी यांनी ई-बर्ड या पक्ष्यांविषयी काम करणाऱ्या अँप विषयी माहिती व प्रशिक्षण दिले.
दुर्बिणीचा वापर करून पक्षी निरीक्षण करण्यात आले. पक्षी निरीक्षणादरम्यान किरण परदेशी यांना अचानक दुर्मिळ इजिप्सियन गिधाड पक्षी माळरानावर आकाशात घिरट्या घालताना आढळला. या गिधाडाला इजिप्शियन व्हल्चर म्हणातात. हा निओफ्रॉन जातकुळीतील एकमेव गिधाड आहे. ते दक्षिण यूरोप, आफ्रिका आणि आशियात आढळते. याच आकार घारीएवढा असतो. पूर्ण वाढ झालेल्या नर गिधाडांची लांबी ४७-५२ सेंमी तर मादींची लांबी ५२-५५.५ सेंमी असते. पंखांची लांबी शरीराच्या लांबीच्या २.७ पट असते.
सगळे शरीर मळकट पांढऱ्या रंगाचे असते; डोके पिवळे असून त्यावर पिसे नसतात; चोच पिवळी; उडण्याच्या कामी उपयोगी पडणारी पिसे काळी असतात; शेपटी पाचरीसारखी; पंख लांब व टोकदार असतात. नर व मादी दिसायला सारखीच असतात. हे पक्षी एकएकटे किंवा जोडप्याने राहतात.
पक्षी निरिक्षणात राखी ,तितर, होला, भारद्वाज, रातवा, पकोळी, रंगीत करकोचा अशा १६ पक्षांची नोंद करण्यात आली. नागेश देशपांडे, महेंद्र देशमुख, विलास सवडे, प्रकाश ठाकूर यांनी पुढाकार घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.