औरंगाबाद : ढाल-तलवार घेऊन बाळासाहेबांची शिवसेना हिंदुत्वाची लढाई लढेल, असा विश्वास ‘बाळासाहेबांची शिवसेना’ या पक्षाचे जिल्हाप्रमुख राजेंद्र जंजाळ यांनी व्यक्त केला. निवडणूक आयोगाने सोमवारी मुख्यमंत्री एकनाथ शिंदे यांच्या गटाच्या पक्षाला ‘बाळासाहेबांची शिवसेना’ अशी मान्यता दिली.
मात्र, सोमवारी चिन्ह मिळाले नव्हते. मंगळवारी (ता.१२) ‘बाळासाहेबांची शिवसेना’ या पक्षाला ‘ढाल-तलवार’ हे चिन्ह दिले. यावर प्रतिक्रिया व्यक्त करताना श्री. जंजाळ म्हणाले, की ‘ढाल-तलवार’ हे दोन्ही युद्धाचे प्रतीक आहेत. यात बचाव आणि हल्ला दोन्हींची सोय असते.
बाळासाहेब ठाकरे यांच्या हिंदुत्वाच्या विचारांसाठी आमचे युद्ध सुरू आहे. लवकरच आम्हाला ‘धनुष्यबाण’ हे चिन्ह मिळेल, असा विश्वास व्यक्त करून ते म्हणाले, की आयोगाकडून मिळालेल्या चिन्हाच्या मदतीने बाळासाहेबांची शिवसेना हा पक्ष त्यांच्या विचारांना पुढे घेऊन जाईल, अशी ग्वाही दिली
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
