हिंगोली : औरंगाबाद जिल्ह्यातील फुलंब्री येथून एका सहा वर्षीय मुलाचे अपहरण झाले होते. अपहरणकर्ता त्या मुलाला घेऊन औंढा येथे आला होता. दरम्यान, भक्त निवासामधील कर्मचाऱ्यांच्या सतर्कतेने या मुलाची सुटका करण्यास पोलिसांना गुरुवारी (ता. २५) रात्री यश आले. सार्थक काथारा सुटका केलेल्या चिमुकल्याचे तर दिनेश कुलकर्णी असे संशयिताचे नाव आहे.
औंढा नागनाथ येथे ज्योतिर्लिंगाच्या दर्शनासाठी रोज अनेक भाविक येतात. भक्तनिवास, लॉज आणि हॉटेलमध्ये मुक्काम करणाऱ्यांना त्यांच्या ओळखीचा पुरावा तपासूनच खोली द्यावी, अशा सूचना पोलिस निरीक्षक विश्वनाथ झुंजारे यांनी दिलेल्या आहेत. दरम्यान, गुरुवारी सायंकाळी औंढा नागनाथ येथील भक्त निवासामध्ये एक तरुण आणि एका सहा वर्षाच्या चिमुकल्यासह खोली घेण्यासाठी आले. त्यांच्याकडे ओळखीचा काहीच पुरावा नव्हता. शिवाय भक्तनिवासातील कर्मचाऱ्यांनी विचारलेली माहिती त्या तरुणाला व्यवस्थित देता आली नाही. त्यामुळे त्यांना संशय आला. त्यांनी तत्काळ पोलिसांना माहिती आली.
या माहितीवरून पोलिस निरीक्षक झुंजारे यांच्या पथकाने भक्तनिवास येथे जाऊन दोघांनाही पोलिस ठाण्यात आणले. यावेळी सहाय्यक पोलिस अधीक्षक यतीश देशमुख यांनी त्या तरुणाची चौकशी केली असता त्याने त्याचे नाव दिनेश कुलकर्णी असल्याचे सांगितले. शिवाय मुलाचे नाव सार्थक काथारा असे सांगून त्याचे फुलंब्रीतून अपहरण केल्याची कबुली त्याने दिली. चिमुकल्या सार्थकला त्याने जालना, रिसोड (जि. वाशीम) मार्गे औंढ्याला आणल्याचे सांगून पुढे नायगाव येथे नेणार होतो, अशी माहिती दिली. त्यानंतर पोलिसांनी सार्थकला कुटुंबीयांकडे तर दिनेशला फुलंब्री पोलिसांच्या स्वाधीन केले आहे.
मला माफ करा; मी मरणार आहे
पोलिसांनी दिनेशच्या वाहनाची तपासणी केली. त्यात एक विषारी औषधाची पुडीसह एक चिठ्ठी सापडली आहे. त्यात ‘मला माफ करा मी मरणार आहे’ असे नमूद केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.