औरंगाबाद शहराचं नाव संभाजीनगर करण्याचा मुद्दा पून्हा एकदा समोर आलाय. राज्य सरकारच्या एका जीआरमध्ये संभाजीनगर असा उल्लेख केल्यानं या वाद उफाळून आला आहे. सरकारकडूनच असा उल्लेख करण्यात आल्यानं सरकारकडून नामांतरासाठी हालचाली सुरु केल्याचं सांगण्यात येतंय. गेल्या अनेक वर्षांपासून हा मुद्दा चर्चेत आहे.
जागतिक गुंतवणूक प्रोत्साहन परिषदेत सरकाकडून औरंगाबादच्या राम भोगले यांची निवड करण्यात आली. यावेळी सरकारकडून काढण्यात आलेल्या जीआरवर त्यांच्या नावासमोर संभाजीनगर असा उल्लेख करण्यात आलाय. तर या प्रकरणावर शिवसेना नेते चंद्रकांत खैरे यांनी औरंगाबादचं नाव संभाजीनगर झालंच असून, फक्त औपचारिक घोषणा बाकी असल्याचं सांगितलं.
हिम्मत असेल तर संभाजीनगर करून दाखवा : खा. जलील
औरंगाबाचे खासदार इम्तियाज जलील यांनी सरकारच्या जीआरवर संभाजीनगर नावाचा उल्लेख केल्याचा विरोध केला आहे. निवडणूक आली की हे धंदे सुरू होतात. ज्या अधिकाऱ्याने या जीआरवर सही केली त्यांना बडतर्फ करावे. तूम्ही तुमच्या मर्जीनुसार शहराचं नाव बदलू शकत नाही. सरकार तुमचं आहे, हिम्मत असेल तर करून दाखवा असा इशारा जलील यांनी दिला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
