सबस्क्राईब करा
औरंगाबाद : जिल्हा परिषदेचे जिल्हा आरोग्य अधिकारी (डीएचओ) हे पद काही कारणास्तव रिक्त झाल्यामुळे पर्यायी व्यवस्था म्हणून डॉ. उल्हास गंडाळ यांच्याकडे डीएचओ या पदाचा तात्पुरता पदभार दिला असल्याचे जिल्हा परिषदेचे मुख्य कार्यकारी अधिकारी डॉ. मंगेश गोंदावले यांनी पत्रकारांशी बोलतांना सांगितले.
सध्या बदली प्रक्रिया स्थगित असल्याने आत्ताच पूर्णवेळ नवीन डीएचओ रुजू होतील की नाही हे आत्ताच सांगता येणार नाही. परंतु आरोग्य विभागाला पूर्णवेळ अधिकारी मिळावा यासाठी आमचा शासनाकडे पाठपुरावा सुरु असल्याचेही त्यांनी यावेळी स्पष्ट केले.
जिल्ह्यात कोरोनाचे थैमान सुरु असतांना अश्या परिस्थितीमध्ये कुणाकडे पदभार द्यावा असा प्रश्न आम्हाला पडला होता. डॉ. गंडाळ यांनी कोरोनाच्या पार्श्वभूमीवर चांगले काम केले त्यामुळे त्यांच्याकडेच पदभार कायम ठेवला. मात्र आता लवकर पूर्णवेळ अधिकारी मिळतो कि नाही हे सांगता येणार नाही असा पुनरुच्चार त्यांनी केला. कोरोनविषयी केलेल्या कामांची माहिती मिळत नसल्याने तसेच आवश्यक त्या उपाययोजना करण्यास डॉ. गंडाळ अयशस्वी ठरल्याने जिल्हा परिषदेतील पदाधिकारी तसेच जिल्हा परिषद सदस्यांनी नाराजी व्यक्त केली आहे.
या पार्श्वभूमीवर डॉ. मंगेश गोंदावले हे पदाधिकाऱ्यांची नाराजी पत्करून डॉ. गंडाळ यांच्याकडेच डीएचओ या पदाचा तात्पुरता पदभार ठेवून पाठराखण करणार ? कि अन्य अधिकाऱ्याकडे डीएचओची जवाबदारी देणार ? कि जिल्हा परिषदेला शासनाकडून पूर्णवेळ डीएचओ पद मिळविण्यात डॉ. मंगेश गोंदावले बाजी मारणार याची चर्चा मात्र जिल्हा परिषदेच्या वर्तुळात दबक्या आवाजात सुरूच राहणार असल्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.