अहमदपूर : कीर्तनकार शिवानंद उद्धवराव हैबतपुरे (वय ४३) यांना दहा ते बारा जणांनी मारहाण करून जखमी केले आहे. ही घटना बुधवारी (ता.एक) महादेववाडी (ता. अहमदपूर) जवळ घडली. याप्रकरणी बारा जणांवर गुन्हे दाखल करण्यात आले आहेत.
उदगीर येथील कीर्तनकार शिवानंद हैबतपुरे बुधवारी सकाळी अहमदपूर येथील भक्तिस्थळावर राष्ट्रसंत डॉ. शिवलिंग शिवाचार्य महाराज यांच्या पुण्यतिथीनिमित्त समाधी दर्शन व आयोजित कार्यक्रमात उपस्थित राहून दुपारी उदगीरकडे येत होते. दरम्यान, एका वाहनातून आलेल्या दहा ते बारा जणांनी शिवानंद हैबतपुरे यांना थांबण्यास सांगितले. यानंतर त्यांना लाथा-बुक्क्यांनी मारहाण केली; तसेच जवळील मोबाइल, एक लाख ३५ हजार रुपयांचे लॉकेट काढून घेतले. गाडीची काच फोडली.
याप्रकरणी कीर्तनकार हैबतपुरे यांच्या तक्रारीवरून महादेव धोंडे, शुभम घोडके, नागेश माचुंद्रे, हनुमंत लांडगे, सूर्यकांत आनेराव, कपिल भालके, गोविंद आनेराव, राजकुमार मालवाडे, विश्वंभर स्वामी, गुरुराज स्वामी व इतर अज्ञात दोन अशा बारा जणांवर अहमदपूर पोलिसांत गुन्हा नोंद झाला. पुढील तपास उपनिरीक्षक एकनाथ डक करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
