सबस्क्राईब करा
वाळूज : वाळूज पोलिस ठाण्याच्या हद्दीत दीराने धमकावत भावजयीवर बलात्कार केल्याची घटना लिंबेजळगाव (ता. गंगापूर) येथे घडली. याप्रकरणी पोलिसांनी गुन्हा नोंदवून आरोपी दिराला गुरुवारी पहाटे अटक केली.
पोलिसांनी सांगितले, की पीडित महिलेचा पती हा एका गुन्ह्यामध्ये कारागृहात आहे. त्यामुळे पीडित महिलेसह आरोपी दीर हे लिंबेजळगाव येथील घरी एकत्र राहतात. १४ ऑगस्टच्या रात्री १२ च्या सुमारास आरोपी दिराने भावजयीला झोपेतून उठवून मागील खोलीमध्ये येण्यास सांगितले.
पीडित भावजय मागील खोलीमध्ये गेल्यानंतर आरोपीने तिच्या पतीला जामिनावर सोडविण्याचे आमिष दाखवून शारीरिक संबंध ठेवण्याची मागणी केली. तेव्हा पीडित भावजयीने त्यास नकार दिला. तरीही आरोपीने बळजबरीने पीडितेवर अत्याचार केला. यावरच न थांबता त्यानंतरही आरोपीने तीन ते चार वेळेस बलात्कार केला.
त्याचबरोबर ३० ऑगस्ट रोजी दुपारी आरोपी दीराने भावजयीवर पुन्हा अत्याचार करण्याचा प्रयत्न केला. या प्रकरणी पीडितेने वाळूज पोलिस ठाणे गाठून तक्रार दिली. वाळूज पोलिसांनी रात्री उशिरा गुन्हा दाखल केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
