छत्रपती संभाजीनगर शहर राजकीय दृष्टिकोनातूनही महत्त्वाचे आहे. काँग्रेसने या शहरात दीर्घकाळापासून महत्त्वपूर्ण भूमिका बजावली आहे. मागील काही वर्षांत काँग्रेसला जिल्ह्यात उतरती कळा लागल्याचे चित्र होते. दरम्यान, लोकसभेच्या जालना मतदारसंघात काँग्रेसचे कल्याण काळे विजयी झाले.
या मतदारसंघात छत्रपती संभाजीनगर शहरासह जिल्ह्यातील काही भागांचा समावेश आहे. हाच विजय काँग्रेसचा आत्मविश्वास वाढविणारा ठरला. पारंपरिक मतदारांना पुन्हा विश्वासात घेऊन तरुणांना या पक्षाने आपल्याकडे वळविले, तर जिल्ह्यात पक्षाला चांगले दिवस येतील.