छत्रपती संभाजीनगर - जिल्ह्यात ऑक्टोबर महिन्यातच जमिनीच्या पोटातील पाणी खोल खोल गेले आहे. गेल्या महिन्यात पावसाळा संपला. पाच वर्षाच्या सरासरीच्या तुलनेत जिल्ह्यातील भूजलपातळी ७.८६ मीटर खाली गेली आहे. गेल्या पाच वर्षाच्या सरासरीचे तुलनेत ही घट सुमारे दोन मीटर आहे. सर्वात जास्त घट गंगापूर तालुक्यात झाली आहे.
या तालुक्यात ३.२५ मीटरने भूजल पातळी गेल्या पाच वर्षाच्या सरासरीच्या तुलनेत खाली गेली. या तालुक्यातील पाच वर्षात सरासरी भूजल पातळी ६.५४ मीटर होती ती यंदा ९.७९ मीटर खाली गेली आहे.
पावसाळ्यानंतर भूजल पातळीची नोंद घेतली जाते, यासाठी जिल्ह्यात भूजल सर्वेक्षण व विकास यंत्रणेच्या १४१ निरीक्षण विहिरीतील भूजलस्तराच्या नोंदी घेतल्या जातात. छत्रपती संभाजीनगर जिल्ह्यातील स्थिर भूजलपातळी गेल्या पाच वर्षात सरासरी ५.१५ मीटर एवढी होती. यंदा या महिन्यात करण्यात आलेल्या तपासणीत ही सरासरी ७.११ मीटर खाली गेली आहे.
जिल्ह्यात गेल्या पाच वर्षाच्या तुलनेत पाणीपातळी १.९६ मीटरने घटली आहे म्हणजे पाच वर्षाच्या सरासरीच्या तुलनेत खाली गेली आहे. छत्रपती संभाजीनगर तालूक्यात गेल्या पाच वर्षात सरासरी स्थिर भूजल पातळी ४.८३ मीटर होती ती यंदा ७.८६ मीटर खाली गेली आहे. यामध्ये ३.०२ मीटर भूजलपातळी खाली गेली आहे.
यंदा ऑक्टोबरमध्ये घेतलेल्या नोंदीनुसार फुलंब्री तालूक्यात ६.६५ मीटर खाली, पैठण ७.४४ , वैजापूर ८.५६ , खुलताबाद ७.७८, सिल्लोड ६.६२, कन्नड ७.१८ तर सोयगाव तालूक्यात २.१४ मीटरवर पाणी आहे. गेल्या पाच वर्षाच्या सरासरीच्या तुलनेत यंदा फुलंब्री तालूक्यात भूजल २.४८ मीटरने खाली गेले आहे.
पैठण २.१०, गंगापूर ३.२५, सोयगाव तालूक्यात ०.१२, वैजापूर १.६६,, खुलताबाद १.१८, सिल्लोड २. ८ आणि कन्नड तालुक्यात गेल्या पाच वर्षाच्या भूजल पातळीच्या सरासरीच्या तुलनेत यंदा १.७८ मीटरने स्थिर भूजलपातळी खाली गेली असल्याचे सुत्राकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.