Chh. Sambhaji Nagar : पैठण नाथसागरात सापडलेला १२ किलो वजनाचा मासा

पैठण - जायकवाडी प्रकल्पाच्या नाथ सागर धरणात १२ किलो वजनाचा कटला जातीचा मासा रविवारी (ता.५) मच्छीमाराच्या जाळ्यात अडकला.

सोनवाडी येथील मच्छीमार घन:श्याम केथा यांनी नाथ सागर जलाशयात नेहमी प्रमाणे यासाठी पकडण्यासाठी जाळी सोडली . रविवारी सकाळी जाळी काढण्यासाठी गेले असता त्यांना जाळ्यात भला मोठा मासा अडकल्याचे लक्षात आले.यानंतर लगेच त्यांनी या मोठ्या या माशाला पकडले. हा मासा दक्षिण जायकवाडी येथे विक्रीसाठी ठेवला असता तीनशे रुपये किलोने अवघ्या दहा मिनिटात या माशाची विक्री झाला. यातून ३ हजार सहाशे रुपये मच्छिंद्र घन:श्याम केथा यांना मिळाले आहे.

मासा घेण्यासाठी खवय्यांनी केली गर्दी!

दरम्यान, १२ किलो वजनाचा मासा सापडल्याची वार्ता खवय्या नागरिकात पसरताच खवय्यांनी पोलिस ठाण्या जवळील मासाळी मार्केट मध्ये मासा खरेदी करण्यासाठी गर्दी केली होती. रविवार हा खाता वार असल्याने व १२ किलो माश्याची चव ही वेगळी लागत असल्यामुळे खवय्यांच्या तोंडाला पाणी सुटल्याचे चित्र पाहायला मिळाले.

नाथसागर धरणात यापूर्वी अनेकदा कधी २०किलो तर कधी ३० व ४०‌किलो वजनाचा मासा सापडला आहे.अलिकडच्या काळात बऱ्याच वर्षांनंतर हा १२ किलो वजनाचा मासा सापडला आहे. विशेष बाब म्हणजे नाथसागरातील मासाळी गोड्या पाण्यातील मासाळी असल्याने खमंग अशी चव खाताना मिळते‌.