Chhatrapati Sambhaji Nagar Crime - सहा धारदार तलवारी विक्रीच्या तयारीत असलेल्या एकाला गुन्हे शाखेने पकडले. ही कारवाई १९ जून रोजी रेल्वेस्थानक भागात करण्यात आली. पोलिसांनी त्याच्या ताब्यातून सहा धारदार तलवारी जप्त केल्या आहेत. बबलुसिंग कालुसिंग भोंड (२८, रा. अलाना कंपनीसमोर, चितेपिंपळगांव, ता. पैठण) असे आरोपीचे नाव आहे.
गुन्हे शाखेचे सहायक फौजदार शेख हबीब यांना एकजण धारदार तलवारी विक्रीसाठी घेऊन आल्याची माहिती मिळाली होती. उपनिरीक्षक अमोल म्हस्के यांना सदर माहिती देण्यात आली. म्हस्के यांनी पथकासह रेल्वेस्थानक गाठत सापळा लावला असता, आरोपी भोंड हा संशयितरित्या जाताना त्याला पोलिसांनी पकडले.
त्याच्या पिशवीची झडती घेतली असता, कपड्यात गुंडाळलेल्या सहा धारदार तलवारी दिसल्या. मात्र त्याने चौकशी तलवारी कुठून आणल्या, कुठे विक्री करायच्या होत्या यासंदर्भात तोंड उघडले नसल्याचे पोलिसांनी सांगितले.
भोंडविरोधात वेदांतनगर पोलिस ठाण्यात गुन्हा दाखल करण्यात आला. कारवाई उपनिरीक्षक म्हस्के यांच्यासह सतीश जाधव, शेख हबीब, सुधाकर मिसाळ, पोपट मनगटे, संजयसिंह राजपुत, राजाराम डाखुरे यांच्या पथकाने केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
