औरंगाबाद : पुण्यानंतर आता औरंगाबादेतही कोयता गँग धुडगूस घालत असल्याची माहिती समोर आली आहे. दिवसा एखाद्या परिसराची रेकी करणे आणि त्याच परिसरात रात्री धुडगूस घालणे असा या गुंडांचा नित्यनेम असून या घटनेचे सीसीटीव्ही फुटेज व्हायरल झाले आहेत. पण या गुंडांच्या कारनाम्यामुळे पोलिसांसमोर मोठे आव्हान निर्माण झालं आहे.
हेही वाचा - ....इथं तयार होतो आपला लाडका तिरंगा
दरम्यान, सुंदरवाडी शिवारातील काही वसाहतींमधील घरात घुसून लोकांच्या मानेवर कोयता ठेवून काही तरुण मंडळीनी लूटमार केली आहे. त्यांनी माजिद शेख या ग्रामपंचायत सदस्याच्या घराबाहेरील कंपाऊंडमधील दुचाकी चोरून नेली तर कृष्णनगरमधील एकाची लुटलेली कागदपत्रं माजिद शेख यांच्या घराबाहेर टाकून पळ काढला.
अशातच कृष्णनगरमधील लोक आरडाओरडा करतील आणि समोरील सिरसाटवाडी भागातील लोक मदतीला येतील म्हणून त्यांनी सिरसाटवाडीतील लोकांच्या घरांना बाहेरुन कड्या लावल्या आणि तिथून पसार झाल्याची माहिती समोर आली आहे.
या घटनेनंतर माजिद शेख यांनी सीसीटीव्ही फुटेज दाखवत चिकलठाणा पोलीस ठाण्यात तक्रार दिली आहे. याशिवाय स्थानिकांनीही पोलिसांत तक्रार दिली असली तरी पोलिसांकडून अजूनही कोणतीही कारवाई झालेली नाही, असा स्थानिकांचा आरोप आहे. तरी पुण्यातील कोयता गँगचा पायंडा आता औरंगाबादेतील तरुणांनीही घेतल्यानं तिथल्या पोलिसांसमोरही कायदा-सुव्यवस्थेचं आव्हान निर्माण झालं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
