औरंगाबाद: कोरोनाला नियंत्रणात आणण्यासाठी मोठ्या प्रमाणात लसीकरण मोहिम हाती घेण्यात आली आहे. परंतु लसीकरणाचा वेग वाढविण्यासाठी प्रशासन युद्ध पातळीवर काम करत असल्याचा दावा जिल्हा परिषद प्रशासनाने केला तरी लसीच्या तुटवड्यामुळे ज्यांचा दुसरा डोस आहे त्यांना देखील लसीकरिता दिवसेंदिवस प्रतिक्षा करावी लागत आहे. तर सध्या शहराप्रमाणेच ग्रामीण भागातही लस नसल्याचे आरोग्य व शिक्षण सभापती अविनाश गलांडे यांनी सांगितले.
लसीकरण मोहिमेला सात महिने पूर्ण होत आले आहेत. तरी देखील लसीकरण पूर्ण झालेले नाही. पहिला डोस घेणाऱ्यांबरोबरच दुसरा डोस घेणाऱ्यांना प्राधान्य देण्यात येत असल्याचे प्रशासनाने म्हटले होते. परंतु दुसरा डोस घेणाऱ्यांना देखील लस मिळत नसल्याचे समोर आले आहे.
नागरिक लसीकरण केंद्रावर येवून परत जात आहेत. तर सुरुवातीला दुसऱ्या डोसमध्ये असलेले अंतर प्रशासनाने वाढविल्याने अधिक अडचणी येत आहेत. तर येवून रांगेत उभे राहून पुन्हा लस नाही म्हणून परतावे लागत असल्याने मनस्ताप सहन करावा लागत आहे. शिवाय आता तिसऱ्या लाटेविषयी बोलले जात आहे. तेंव्हा लसीकरणावर प्रशासनाने भर द्यायला हवा. सध्या ग्रामीण भागात लसीचा तुटवडा तर आहेत. शिवाय पेरणी सुरु झाल्याने लोक शेतात जातात त्यामुळे प्रतिसादही कमी झाल्याचे गलांडे यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
