परभणी : नवा मोंढा पोलिसांनी एका प्रिंटरच्या चोरीप्रकरणी दोन संशयित आरोपीना ताब्यात घेतले होते. त्यांच्या मोबाइलमध्ये नकली नोटा कशा बनवायच्या याबाबत व्हिडिओ होते. संबंधितांची कसून चौकशी केल्यानंतर व त्यांच्या राहत्या घराची झडती घेऊन भारतीय चलनातील बनावट नोटा, प्रिंटर व त्यासाठी लागणारे साहित्य असा १५ हजार ७४० रुपयांचा ऐवज जप्त करण्यात आला. शनिवारी सायंकाळी ही कारवाई झाली.
नवा मोंढा पोलिसांनी अन्य एका चोरीप्रकरणी गणेश ऊर्फ गणी प्रकाश पांढरे व शेख अदनान शेख नयुम या दोन संशयितांना ताब्यात घेतले होते. त्यांच्याजवळ लॅपटॉप व मोबाइल होता. लॅपटॉपची तपासणी केली असता त्यामध्ये भारतीय चलनातील २०० रुपयांच्या नोटेचे फोटो व बनावट नोटा कशा तयार केल्या जातात या संबंधीचे व्हिडिओ होते. शाही मशिदीजवळील एक तीन मजली इमारतीत किरायाच्या खोलीत राहणाऱ्या आरोपींच्या खोलीतून नोटा तयार करण्यासाठी लागणारे बाँड, शाई, प्रिंटर व काही बनावट नोटा आदी साहित्य जप्त केले.
संशयितांना पाच दिवसांची पोलिस कोठडी
या प्रकरणाचा तपास सहायक पोलिस निरीक्षक सोमनाथ शिंदे करीत आहेत. रविवारी (ता.१६) या दोन आरोपींना न्यायालयात सादर केले असता त्यांना पाच दिवसांची (ता. २१ जूनपर्यंत) पोलिस कोठडी देण्यात आल्याची माहिती शिंदे यांनी दिली. आरोपीतांकडून जप्त करण्यात आलेला लॅपटॉप, मोबाइलसह बँक खात्यांची देखील चौकशी केली जाणार आहे. यामधून आरोपींनी किती बनावट नोटा तयार केल्या, त्या बाजारपेठेत चालवल्या का याची, तसेच या कटात अन्य कुणी आहेत का, सूत्रधार आहे का, याचा तपासदेखील केला जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.