छत्रपती संभाजीनगर : गांधीनगर येथे बुधवारी (ता. चार) रात्री दोन गटांत वाद झाल्याने तणाव निर्माण झाला होता. ही घटना गांजा विक्रीतून घडली. यात परस्परविरोधी तक्रारीवरून क्रांतीचौक पोलिस ठाण्यात अॅट्रॉसिटी आणि खुनाचा प्रयत्न केल्याप्रकरणी गुन्हा नोंद केला. पोलिसांनी दोन्ही गटांच्या आठ जणांना ताब्यात घेतले.
याप्रकरणी पहिल्या गटाच्या वतीने सय्यद इम्रान सय्यद वसीम (वय २६, रा. एकता कॉलनी सातारा परिसर) याने तक्रार दिली. ती अशी ः इम्रान आणि त्याचे मित्र शेख इस्माइल शेख इब्राहिम, अबुझर सय्यद मुमताज अली तसेच वसीम हे चौघे कारमध्ये बुधवारी रात्री गांधीनगर येथे मित्राला भेटण्यासाठी गेले होते. यावेळी एका दुचाकीचा धक्का कारला लागल्यावरून त्यांचा दुचाकीस्वारासोबत वाद झाला. या वादातून दहा ते पंधरा जणांच्या टोळक्याने इम्रान आणि त्याच्या मित्रांना लाठ्या काठ्यांनी बेदम मारहाण केली.
कारवर दगडफेक करीत तोडफोड केली. याप्रकरणी खुनाचा प्रयत्न केल्याप्रकरणी गुन्हा नोंद करण्यात आला. दुसऱ्या गटाकडून गौतम आनंद बिडला (वय २०, रा. गांधीनगर) याने तक्रार दिली. ती अशी ः गौतम हा दुचाकीवर मित्रासोबत जात होता. यावेळी आरोपी सय्यद इम्रान सय्यद वसीम व सोबत सहा साथीदार यांच्या चारचाकी वाहनाचा धक्का गौतमच्या दुचाकीला लागला; तसेच आरोपी हे कारमध्ये मोठ्या आवाजात गाणे वाजवत होते. गौतम त्यांना समजावून सांगण्यासाठी गेला होता. यावेळी आरोपींनी गौतम आणि त्याच्या मित्रांना जातीवाचक शिवीगाळ करीत ठार मारण्याचा प्रयत्न केला. यांना केली अटक
पलिसांनी अटक केलेल्या संशयितांमध्ये गौतम आनंद बिडला, कुणाल ऊर्फ गणेश विनोद सोनवणे, शिवदत्त नागराज धिल्लोन आणि अक्षय किशोर चावरिया तर दुसऱ्या गटातील अबुझर सय्यद मुमताज अली, फेरोजखान हुसेनखान, नसेरखान हुसेनखान आणि मोहंमद मुस्तफा मोहमद मस्तान यांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
