वैजापूर (जि. औरंगाबाद) - वैजापूर शहरानजीक सुरू असलेल्या नागपूर-मुंबई समृद्धी महामार्गाचे काम सध्या प्रगतिपथावर असून, पुलाची सेंट्रिंग अचानक कोसळल्याने पाच मजूर दबून गंभीर जखमी झाले. ही घटना सोमवारी (ता. 17) सकाळी घडली. यातील एकाची प्रकृती चिंताजनक असून, त्याच्यावर शहरातील एका खासगी रुग्णालयात उपचार सुरू आहेत.
सुखेदास (वय 25), बिल्लू माजीद (वय 21), रवीकुमार (वय 25), रफिक (वय 20), प्रीतमकुमार (वय 21) अशी जखमींची नावे आहेत. लाडगाव रस्त्यावरील शहरानजीक असलेल्या रोठी परिसरात नागपूर-मुंबई समृद्धी महामार्गाचे काम सध्या सुरू आहे. या महामार्गावर पूल उभारण्यात येत असून, यासाठी सेंट्रिंग उभी करण्यात आली आहे. सोमवारी सकाळी काम सुरू असताना जोराची हवा आल्याने अचानक ही सेंट्रिंग कोसळून मजुरांच्या अंगावर पडली. या सेंट्रिंगच्या गजाखाली पाचजण दबले गेले. त्यामुळे परिसरात काम करीत असलेले अन्य मजूर त्यांना वाचविण्यासाठी धावले. ही घटना घडल्यानंतर तेथे मोठा गोंधळ उडाला.
घटनेनंतर या बाबीची माहिती संबंधित कंत्राटदारास कळविण्यात आली. क्रेनच्या साह्याने सेंट्रिंगखाली दबलेल्या मजुरांना तत्काळ बाहेर काढण्यात आले. परंतु यातील एक मजूर जास्त दबल्याने त्याला बाहेर काढण्यासाठी बराच वेळ लागला. तो या घटनेत गंभीर जखमी झाला असून, त्याची प्रकृती चिंताजनक असल्याचे समजते. त्याच्यावर शहरातील एका खासगी रुग्णालयात उपचार सुरू आहेत.
ज्या ठिकाणी ही सेंट्रिंग कोसळली, त्याच्या आजूबाजूला अन्य मजूरही काम करीत होते. परंतु त्यांना कोणतीही इजा झाली नाही. ज्या पुलासाठी ही सेंट्रिंग उभारण्यात आली होती, त्या पुलाची उंची जमिनीपासून जवळपास 30 फूट आहे. सेंट्रिंगचे लोखंडी गज, प्लेटा मजुरांच्या अंगावर कोसळल्याने मजूर दबले गेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.