जाफराबाद : शहरातील शेकडो वर्षांपासून भाविकांचे श्रद्धास्थान असलेले जागृत श्री गणेश देवस्थान आहे. ब्राह्मणगल्लीमध्ये असलेल्या जागृत श्री गणेश मंदिराची इमारत कालमानपरत्वे मोडकळीस आलेली होती. त्यामुळे भाविकांनी मंदिराच्या जिर्णोद्धार कार्याला सुरुवात केलेली आहे. येथे संकष्ट चतुर्थी, गणेशोत्सव काळात दर्शनासाठी भाविकांची मांदियाळी जमते.
जाफराबादमधील भाविकांचे आराध्यदैवत म्हणून जागृत श्री गणेश प्रसिद्ध आहे. मंदिराची मूळ वास्तु पुरातन काळातील आहे. मंदिराचा कळस, श्री ची प्रभावळ, दगडी चौकट, मंदिरामधील कमानीचे नक्षीकाम स्थापत्यकलेचा उत्कृष्ट नमुना आहे. जाफराबाद येथील मुळे घराण्यातील विठोबा नाना या महापुरुषाच्या हस्ते हे मंदिर बांधलेले असल्याचे भाविक सांगतात. साधारणतः अडीच ते तीन फूट उंचीची श्री मूर्ती आहे. मूर्तीचे शेंदूरलेपन करण्यात आलेले आहे, श्रींच्या मूर्तीचे दर्शन घेतल्यानंतर प्रसन्न वाटते असा भाविकांचा अनुभव आहे.
या मंदिरात या मंदिरात माघ महिन्यातील गणेश जयंती व वसंत पंचमीला उत्सव साजरा करण्याची परंपरा आजही सुरू आहे.या निमित्ताने शेकडो भाविकांना अन्नदान करण्यात येते. मंदिरात दर संकष्ट चतुर्थीला मंदिरात श्री अथर्वशीर्ष पठण करून महाआरती व नंतर महाप्रसाद वाटप करण्यात येतो. या मंदिरात पुजारी राजेश्‍वर मुळे यांचे घराणे मोठ्या श्रद्धेने धार्मिक सेवाकार्य करते. जिर्णोद्धार कार्याला सुरुवात झालेली आहे, त्यामुळे या परिसरात भव्य असे जागृत श्री गणेश मंदिर उभारले जाणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.