Voting in Aadhul : मागील तीन टप्यात लोकसभा निवडणुकीत मतदानाची टक्केवारी घसरली जरी असली तरी नवमतदार मोठ्या प्रमाणात मतदानात सहभाग नोंदवित आहेत. आज सोमवारी (ता.१३) रोजी लोकसभेच्या चौथ्या टप्प्यातील मतदानाला सकाळी सुरुवात झाली. तेव्हा कडेठाण तांडा ता. पैठण येथील येथील नवरदेव उमेश हरीदास राठोड यांने सकाळी कडेठाण बु. येथील मतदान केंद्रावर आपला मतदानाचा हक्क बजावला.
उमेश याचे आज दुपारी लग्न लागणार आहे. वर उमेश हरीदास राठोड राहणार कडेठाण तांडा याचे वधु वर्षा मदन जाधव राहणार काशीगिरी तांडा, वाकुळणी ता. बदनापुर यांचा शुभविवाह सोमवारी दुपारी वाकुळणी येथे पार पडणार आहे
त्यात आज लोकसभेची निवडणुक असल्याने उमेश ने बहुल्यावर चढण्या अगोदर सकाळीच येथील मतदान केंद्र गाठुन आपला मतदानाचा हक्क बजावला. तर आडुळ केंद्रावर ७० वर्षिय अपंग आजीबाई यांनी व्हिल चेअरवर बुथ मध्ये जावुन मतदान केले. थापटी तांडा येथे दिव्यांग व्यक्तीने मुलाच्या सहाय्याने मतदान केले. आडुळ सह परिसरात सकाळ पासुन शांततेत मतदान सुरु आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.